QR Bilim jáne ǵylym mınıstri A.Q.Aımaǵambetovke pandemııa kezinde jańa oqý jylynda qashyqtan bilim berýge qatysty sheshim qabyldaýdy talap etýge qatysty elimizdiń mektep muǵalimderi atynan
ÚNDEÝ
Qurmetti Ashat Qanatuly!
Covid-19 pandemııasy kezinde qanshama otandasymyz kóz jumdy. Arasynda týystarymyz da, tanystarymyz da bar. Janǵa batyp, júrekti aýyrtady. Indetke qatysty statıstıkalyq málimetterdi ǵana baqylap otyrǵan joqpyz, naqty bolyp jatqan jaǵdaıdy óz kózimizben kórip otyrmyz. Mundaı jaǵdaıda ata-ana retinde –balalarymyzdyń, muǵalim retinde – oqýshylarymyzdyń, qoǵamnyń belsendi azamattary retinde – qandastarymyzdyń, jalpy ulttyń, adamzattyń ómiri men densaýlyǵy úshin alańdaýlymyz!
Tórtinshi toqsan bastalýǵa sanaýly kúnder qalǵanda siz Mınıstr retinde oqýshylardyń qashyqtan oqýy týraly sheshim qabyldadyńyz. Ańdyǵan dushpan da, synaǵan sarapshy da az bolmady. Kóbinese bilim salasyna qatysy joq taraptardan oqý jylyn jaz aılarynda jalǵastyryp, naýryz-mamyr aılarynda oqýshylardyń demalýyn nemese múldem bilim alýyn toqtatýy týraly usynystardy aıtyp jatty. Mektep muǵalimderi úshin qashyqtan oqytý – jańa ári qıyn format bolǵany jasyryn emes. Oǵan qaramastyn biz bir-birimizge qoldaý kórsetip, jumysty jeńil alyp kettik. Eger sol tórtinshi toqsandy jaz aılarynda mektep qabyrǵasynda jalǵastyrýǵa qatysty usynysty qoldaǵanyńyzda, qazir jaǵdaı birneshe ese qıyndaıtyn edi (lokdaýn kezinde adamdar kóz jumyp, karantındik sharalar kúsheıtilgen kezde balasyn mektepke jibererýge daıyn turǵan ata-anany bilmeımiz).
Endi jańa oqý jylyna qatysty sheshimniń qabyldanýyna sanaýly saǵattar qaldy. Sheshim qabyldamaı turyp birneshe nusqa bar ekenin de aıttyńyz.
Mınıstrlik muǵalimdermen de, ádiskerlermen de, sarapshylarmen de, aıtı salasynyń mamandarymen de aqyldasyp, kúndelikti jınalystar ótkizip jatyr. Feısbýkte tikeleı efırge shyǵyp jatyrsyz. Ony saladan habary bar, kózi ashyq jandar kórip otyr. Estip otyr. Degenmen, áli de oılanýǵa bolady!
Jan-jaqtan «davlenıe» kórsetiletini túsinikti. Degenmen, sabaq beretin muǵalimder qoldaý kórsetýge, sabyrlyq tanytyp taǵy da qashyqtan jumys isteýge, tań atqannan túnge deıin bolsa da eńbek etýge daıyn. Mundaǵy basty maqsat – balalarymyz ben oqýshylarymyzdyń qamy, urpaqtyń densaýlyǵy.
Úıde otyrǵan ata-analar muǵalimniń jumysy qanshalyqty aýyr ekenin sezindi, túsindi. Degenmen kez-kelgen ata-ana úshin balanyń densaýlyǵy birinshi orynda! Siz de – ákesiz!
Qazir dástúrli formatta oqýǵa qatysty sheshim qabyldansa – mektepter satyp alý rásimderin júrgizip, qajetti sanıtaızer, kilemshe, taǵysyn taǵy satyp alatynyn bári bilip otyr. Tipti bir partada bir bala otyrsa da, sabaq sany qysqartylsa da bala mektepten úıine jeter jolda túrli naýqas jandarmen kezigýi múmkin nemes úıinde aýyryp jatqan týysymen baılanysta bolǵan soń, synyptastarymen saǵynysyp kórisedi. Táýekelder jeterlik.
Joǵarydan tapsyrma tússe mektepter sanıtarlyq jaǵdaıdy kúsheıtýge áp sátte daıyn bolady. Muǵalimder úırenshikti formatta sabaq berip, qıyndyq kórmeıdi. DEGENMEN!!!! Balanyń densaýlyǵyna qaýip tónedi.
Jaǵdaıdyń turaqtalǵanyn kúteıik. Sabyr saqtaıyq. Elimizdiń muǵalimderiniń kópshiligi sabaqty qashyqtan berýge daıyn. Biz eńbek demalysynda bolsaq ta, jańa oqý jylyna qamdanyp jatyrmyz. Endeshe nege bizge senim artylmaýy kerek? Nege balalardyń, oqýshylardyń densaýlyńyna qaýip tóndirýge jaǵdaı jasaýymyz kerek? Óz qolymyzben mundaı qadamǵa bara almaımyz! Odan da jumyssyz, aılyqsyz úıde otyrýǵa kónemiz!
Bul – jumysy birneshe ese qıyndaı tússe de, qashyqtan bilim berýge daıyn, balalardyń qamyn oılaıtyn muǵalimderdiń jan aıqaıy!
Qazir Bilim jáne ǵylym mınıstrligi ǵana emes, Internetke jaýapty mınıstrliktiń esebi tyńdalatyn, jumysy saraptalatyn kez! ıfrlyq damý, ınnovaııalar jáne aeroǵarysh ónerkásibi mınıstri jaz boıy ne bitirdi? Aldymyzǵa shyqsyn! Mektepterdi kompıýtermen jabdyqtaýǵa ákimdikter mindetti ekenin bári biledi. Ákimder ne bitirdi? Tek salalyq mınıstrlikke qarap, «prokatıt» dep otyrǵandar esep bersin! Densaýlyq saqtaý salasyndaǵy mamandardyń keńesi qaıda? Sanıtar dárigerler nege úndemeı otyr? Bizdiń talap – osy!
Oqyta biletin muǵalim qandaı jaǵdaı bolmasyn oqytady! Oqı biletin bala qandaı jaǵdaı bolmasyn – oqıdy. Kezinde maıshammen de kitap oqyǵanbyz. Biraq, densaýlyq mańyzdy. Balanyń densaýlyǵy – bolashaǵymyzdyń densaýlyǵy.
Osy Úndeýdi qoldaıtyn ustazdar, ata-analar, qoǵam belsendileri laık qoıyp, repost jasasyn! #Balam_úıde_oqysyn
Qazaqstan ustazdary.
Qol qoıý jalǵasýda
