مينيستر Facebook-تەن ايدا بۋكاەۆانىڭ ۇندەۋىن كورگەن. دەرەۋ حابارلاسىپ، ءمان-جايدى بىلگەن.
"بىرنەشە اي بويى ول قوعامدىق نەگىزدە مەديتسينا قىزمەتكەرلەرىنە اۋرۋحانالاردا كومەكتەسىپ ءجۇر، پاتسيەنتتەرگە قارايدى، ەدەن جۋادى، سۋسىندار اكەلەدى. وقيعانىڭ ەپيتسەنترىندە جۇرە تۇرا، ول دارىگەرلەرىمىز قالاي ەرلىكپەن جۇمىس ىستەپ جاتقانىن، سونداي-اق قىزمەت بارىسىندا كەزدەسەتىن قيىندىقتاردى دا كورەدى. بۇگىندە جاعدايعا بەي-جاي قارامايتىن ادامدار ماعان بارلىق وقيعانى وبەكتيۆتى جەتكىزۋگە، ەمدەۋ بويىنشا قاراپايىم شارالاردى تۇسىندىرۋگە، قايىرىمدىلىق كومەك كورسەتۋ جانە باسقالارى بويىنشا ۇسىنىستارىن ايتادى.
ءبىز مەديتسينالىق ۇيىمداردىڭ ىشىندەگى جاعدايعا قاراماستان دايىن ادامداردان حالىقتىق باقىلاۋ جاساۋعا كەلىستىك. جاعدايدى ناقتى باعالاۋ ءۇشىن. كومەك كورەتۋگە ۇسىنىستار جاساۋ، ءدارى-دارمەك جەتكىلىكتى مە، بارلىق قىزمەتكەر جەتكىلىكتى قورعالعان با، پاتسيەنتتەرگە كومەك قالاي كورسەتىلەدى، باسشىلىق ۇجىمعا جانە ناۋقاستارعا جەتكىلىكتى دەڭگەيدە كوڭىل بولە مە جانە باسقالارى باقىلانادى. قاجەت بولعان جاعدايدا قاتاڭ شارالار دا قولدانامىز، اسىرەسە سىبايلاس جەمقورلىق سيپاتىنداعى جانە ءدارى-دارمەكتەردى قايتا ساتۋ بويىنشا", - دەدى تسوي.
ءمينيستردىڭ سوزىنشە، ايدا بۋكاەۆا حالىقتىق باقىلاۋ جۇمىسىن ءوز موينىنا الۋعا كەلىسكەن. وڭىرلەرگە شىعۋعا دا دايىن. بارلىق ايماقتان وسىنداي جۇمىستارعا قاتىسۋعا دايىن مەيىرىمدى جاندار شاقىرىلىپ جاتىر. ۇلتتىق ەرىكتىلەر جەلىسى وسى جوباعا قاتىسۋعا نيەت بىلدىرگەن.
مەديتسينالىق ۇيىمدارعا قولجەتىمدىكتى تولىقتاي قامتاماسىز ەتەمىز. ايدا بۋكاەۆا بۇل قىزمەتتى باق-تا جاريالاپ، حالىققا جەتكىزۋىمدى ءوتىندى. مەن اقپارات جانە قوعامدىق دامۋ ءمينيسترى ايدا بالاەۆامەن كەلىسسوز جۇرگىزدىم، ول مۇنى قولداۋعا ۋادە بەردى. قازىر ۇنەمى بايلانىستا بولاتىن ۇيلەستىرۋشىنى ىزدەستىرىپ جاتىرمىز، - دەدى مينيستر.
ايدا بۋكاەۆانىڭ مينيسترگە جولداعان ۆيدەوۇندەۋىن سىلتەمەدەن كورە الاسىز.
