ايدا بۋكاەۆا ەسىمدى فەيسبۋك قولدانۋشىسىنىڭ پاراقشاسىنان دەنساۋلىق ساقتاۋ ءمينيسترى الەكسەي تسويعا ۆيدەوۇندەۋ جاريالاندى. ولار مينيسترگە ەسەپ بەرگەندەرگە سەنبەۋىن سۇراپ، قولىمىزدا دالەلدەر جەتكىلىكتى دەدى. ەگەر شۇعىل شارا قولدانباساڭىز قولىمىزداعى بارلىق جازبالاردى جاريالايمىز دەپ بەكىنىپ وتىر.
– كەزەكتە تۇرعاندار ىندەت جۇقتىرىپ جاتىر. جۇيكەلەرى توزعان. حالىق ءدارى ىزدەپ قالادا سابىلىپ ءجۇر. سۇرانىستىڭ كوپتىگى سونشا بۇرىن 300 تەڭگە تۇرعان تابلەتكالار قازىر 25 مىڭ تەڭگەگە جەتتى. شارا قولدانىڭىز، قولدانا المايسىز با، وندا ورنىڭىزعا ماسەلەنى شەشەتىن باسقا ادام كەلسىن. حالىقتى مازاق ەتكەنىڭىزدى دوعارىڭىز، – دەدى ەرىكتىنىڭ ءبىرى.
كەلەسى ۆولونتەر ەلدەگى وسى جاعدايدى پايدالاناتىن الىپساتارلار بايىپ قالۋدى كوزدەپ وتىر دەپ ەسەپتەيدى. ول مۇندايمەن اينالىسىپ جۇرگەن ادامداردى تىزىمدەپ، ارقايسىسىن اشكەرە ەتۋ كەرەك دەگەن پىكىردە.
– بۇگىن عانا ماسكەۋدەن گۋمانيتارلىق كومەك كەلگەنىن كورىپ وتىرمىز. ءبىز وسى دارىلەردىڭ اۋرۋحاناعا، ناۋقاستارعا جەتۋىن قاداعالايمىز. ءار پالاتانى ارالاپ، ۆيدەورەپورتاج تۇسىرەمىز. ەگەر ازاماتتارىمىز ءدارى تاپشىلىعىنان اجال قۇشاتىن بولسا، ورىندارىڭىزدى بوساتىڭىزدار! ءبىز قازاقستاندىقتاردىڭ قىرىلعانىنا جول بەرمەيمىز. ولاردىڭ اقشاسى، جۇمىسى، ەندى مىنە، دەنساۋلىعى دا جوق. وسى كۇيگە قالاي تۇستىك؟ حالىق قىرىلىپ جاتقاندا، مىڭداعان شارشى مەترلىك مەيرامحانالاردىڭ كەرەگى قانشا؟ ەرتەڭ ادامداردىڭ بارلىعى قايتىس بولاتىن بولسا، ولارعا كىم بارادى؟ باسقا پلانەتادان اكەلەسىزدەر مە؟! شۇعىل تۇردە شارا قولدانىڭىزدار. ستاتسيونارلاردى قاراپايىم قاجەتتىلىكتەرمەن، سۋمەن، قىمىزبەن، ءنارلى تاماقپەن قامتاماسىز ەتىڭىزدەر. بۇل سونداي قيىن با؟ ءبىز جىلدار بويى ەشنارسە سۇراماي كەلدىك. ەندى ناۋقاستاردى، مەديتسينا ماماندارىن قولداۋدى سۇراپ تۇرمىز، – دەدى كەلەسى ەرىكتى.
دارىگەرلەر جىلدار بويى شاعىمدانا المايتىنداي جۇيە قۇرىپ تاستادى دەيدى تاعى ءبىرى. قازىرگى جاعدايدى گەنوتسيتكە تەڭەدى.
– شۇعىل شارا قابىلداڭىز! قابىلداماساڭىز، ءبىز قولىمىزدا بار بارلىق ايعاقتى جاريالايمىز. بۇل – "بومبا" بولادى. دارىگەرلەردى مازاق ەتۋ توقتاتىلسىن!، – دەدى ول.
