Aıda Býkaeva esimdi feısbýk qoldanýshysynyń paraqshasynan Densaýlyq saqtaý mınıstri Alekseı oıǵa vıdeoúndeý jarııalandy. Olar mınıstrge esep bergenderge senbeýin surap, qolymyzda dálelder jetkilikti dedi. Eger shuǵyl shara qoldanbasańyz qolymyzdaǵy barlyq jazbalardy jarııalaımyz dep bekinip otyr.
– Kezekte turǵandar indet juqtyryp jatyr. Júıkeleri tozǵan. Halyq dári izdep qalada sabylyp júr. Suranystyń kóptigi sonsha buryn 300 teńge turǵan tabletkalar qazir 25 myń teńgege jetti. Shara qoldanyńyz, qoldana almaısyz ba, onda ornyńyzǵa máseleni sheshetin basqa adam kelsin. Halyqty mazaq etkenińizdi doǵaryńyz, – dedi eriktiniń biri.
Kelesi volonter eldegi osy jaǵdaıdy paıdalanatyn alypsatarlar baıyp qalýdy kózdep otyr dep esepteıdi. Ol mundaımen aınalysyp júrgen adamdardy tizimdep, árqaısysyn áshkere etý kerek degen pikirde.
– Búgin ǵana Máskeýden gýmanıtarlyq kómek kelgenin kórip otyrmyz. Biz osy dárilerdiń aýrýhanaǵa, naýqastarǵa jetýin qadaǵalaımyz. Ár palatany aralap, vıdeoreportaj túsiremiz. Eger azamattarymyz dári tapshylyǵynan ajal qushatyn bolsa, oryndaryńyzdy bosatyńyzdar! Biz qazaqstandyqtardyń qyrylǵanyna jol bermeımiz. Olardyń aqshasy, jumysy, endi mine, densaýlyǵy da joq. Osy kúıge qalaı tústik? Halyq qyrylyp jatqanda, myńdaǵan sharshy metrlik meıramhanalardyń keregi qansha? Erteń adamdardyń barlyǵy qaıtys bolatyn bolsa, olarǵa kim barady? Basqa planetadan ákelesizder me?! Shuǵyl túrde shara qoldanyńyzdar. Staıonarlardy qarapaıym qajettiliktermen, sýmen, qymyzben, nárli tamaqpen qamtamasyz etińizder. Bul sondaı qıyn ba? Biz jyldar boıy eshnárse suramaı keldik. Endi naýqastardy, medıına mamandaryn qoldaýdy surap turmyz, – dedi kelesi erikti.
Dárigerler jyldar boıy shaǵymdana almaıtyndaı júıe quryp tastady deıdi taǵy biri. Qazirgi jaǵdaıdy genoıtke teńedi.
– Shuǵyl shara qabyldańyz! Qabyldamasańyz, biz qolymyzda bar barlyq aıǵaqty jarııalaımyz. Bul – "bomba" bolady. Dárigerlerdi mazaq etý toqtatylsyn!, – dedi ol.
