كوروناۆيرۋستان قالاي قورعانۋ كەرەك

2736
Adyrna.kz Telegram

قازاقپارات - «استانا مەديتسينا ۋنيۆەرسيتەتى» كوممەرتسيالىق ەمەس اكتسيونەرلىك قوعامىنىڭ دوتسەنتى روزا سۇلەيمەنوۆا كوروناۆيرۋس جۇقتىرماس ءۇشىن يممۋنيتەتتى قالاي نىعايتۋعا بولاتىنىن ايتىپ بەردى، دەپ حابارلايدى قازاقپارات.

«ەڭ باستىسى - يممۋنيتەتتى السىرەتپەي، دۇرىس تاماقتانۋ كەرەك. اعزانىڭ يممۋنيتەتى 30-40 پايىز اقۋىزدان جانە 50 پايىز جەمىس-جيدەك پەن كوكونىستەن تۇرادى. سوندىقتان جىلقى، سيىر ەتىنەن، بالىقتان قايناتىلعان سورپانى ىشكەن ءجون. سونىمەن قاتار، سۇيىقتىقتى كوپ ىشكەن ابزال. كۇنىنە 3-5 ليترگە دەيىن سۋ، كومپوت جانە مورس ىشۋگە بولادى. س ءۆيتامينى وتە قاجەت اعزاعا، ول المادا، ليموندا، قاراقاتتا مول بولادى» دەيدى مامان. دارىگەردىڭ ايتۋىنشا، كوتەرىڭكى كوڭىل-كۇي اۋىرىپ قالماۋعا كوپ سەپتىگىن تيگىزەدى. كۇيزەلىسكە تۇسپەگەن دۇرىس. ەشقاشان بايبالام سالماي، ۋايىمداماي، بارىنشا سابىر ساقتاپ، جاقسىلىقتان ءۇمىت ەتۋ كەرەك، ويتكەنى يممۋندىق جۇيە وسىعان تىكەلەي بايلانىستى. «كەڭسەدە جانە ۇيدە جۇمىس ىستەيتىندەر بولمەنى ءجيى جەلدەتىپ، ءسۇرتىپ، تازالاپ وتىرعانى ءجون. ماسكا كيىپ، گيگيەنانى ساقتاۋدى ۇمىتپاڭىز. سونىمەن قاتار، كوپشىلىكتى ءوز بەتىڭىزشە ەمدەلمەي، اۋەلى ەمحاناداعى ۋچاسكەلىك دارىگەرمەن نەمەسە جەدەل جاردەمگە حابارلاسىپ، سونداعى ماماندارمەن اقىلداسۋعا شاقىرامىن. باسىڭىز اۋىرىپ، قۇرعاق جوتەل، ەنتىگۋ پايدا بولسا، دەنە قىزۋى كوتەرىلىپ، ءيىس سەزۋدەن ايىرىلساڭىز، السىزدىك پەن تەرشەڭدىك سەزىنسەڭىز، بىردەن ماماندارمەن كەڭەسىپ، ەم-دوم الىڭىز» دەپ تۇيىندەدى ءسوزىن روزا سۇلەيمەنوۆا.

 

پىكىرلەر