بايقاۋدىڭ ماقساتى – اباي شىعارماشىلىعىن ءسۇيىپ وقۋعا، ءومىرىن، قاسيەتتەرىن ۇلگى ەتە وتىرىپ، شىعارماشىلىققا بەيىم جانداردى دارىپتەۋ.
بايقاۋدىڭ مىندەتتەرى:
· جاستاردىڭ ىزدەنىسىن ارتىرۋ;
·اباي ەسىمىن دارىپتەۋگە باۋلۋ;
· جاستار شىعارماشىلىعىنا كوڭىل ءبولۋ;
· اقىن-جازۋشىلار، ابايتانۋشىلار، جۋرناليستەر، سۋرەتشىلەر، ۆيدەوگرافتار، زەرتتەۋشىلەر، انشىلەرمەن بايلانىس ورناتۋ ارقىلى كاسىبي موتيۆاتسيا بەرۋ;
· اۋىلدارداعى (شالعاي ەلدى-مەكەندەردە) شىعارماشىلىققا قابىلەتى بار نازاردان تىس قالعان شىعارماشىلىققا بەيىم جانداردى باق ارقىلى ناسيحاتتاۋ.
بايقاۋدىڭ جاس ەرەكشەلىگى: 14-35 جاس ارالىعىنداعى جامبىل وبلىسىنىڭ تۇرعىندارى قاتىسا الادى.
بايقاۋدىڭ نوميناتسيالارى:
1-نوميناتسيا. «ۇزدىك گۋمانيست».
بۇل نوميناتسيا بويىنشا قازىرگى كەزدەگى قوعامداعى ءارتۇرلى وزەكتى ماسەلەلەردى قوسا وتىرىپ، اباي قۇنانبايۇلىنىڭ 45-قاراسوزىنىڭ جالعاسىن ياعني 46 قارا ءسوزىن جازىپ شىعۋعا بايقاۋ جاريالانادى.
2-نوميناتسيا. «ۇزدىك پوەزيا».
بۇل نوميناتسيا بويىنشا اباي قۇنانبايۇلىنا قاتىستى ارناۋ ولەڭگە شىعارماشىلىق بايقاۋ جاريالانادى. اقتىق سىنعا شىققان ۇزدىكتەر ساحنادا ءوز ولەڭىمەن قوسا، ابايدىڭ ءبىر ولەڭىن مانەرلەپ وقىپ شىعۋعا مىندەتتەلەدى.
3-نوميناتسيا. «ۇزدىك بەينەلەۋ ونەرى».
بۇل نوميناتسيا بويىنشا اباي قۇنانبايۇلىنىڭ كەسكىن-كەلبەتىن ۇزدىك بەينەلەۋگە شىعارماشىلىق بايقاۋ جاريالانادى.
4-نوميناتسيا. «ۇزدىك بەينەروليك».
بۇل نوميناتسيا بويىنشا اباي ەسىمى دارىپتەلەتىن 3D فورماتتاعى انيماتسيالىق، ت.ب ۇلگىلەردەگى ۇزدىك بەينەروليككە شىعارماشىلىق بايقاۋ جاريالانادى.
5-نوميناتسيا. «ۇزدىك اباي اندەرىن ورىنداۋشى».
بۇل نوميناتسيا بويىنشا ابايدىڭ مۋزىكالىق مۇراسىن ۇزدىك ورىنداۋشىعا شىعارماشىلىق بايقاۋ جاريالانادى.
بايقاۋ شارتتارى:
ءار شىعارماشىلىق جۇمىس abai-festival@bk.ru ەلەكتروندى پوچتاسىنا الدىن-الا جىبەرىلىپ، ساراپتان وتكىزىلەدى.
«ۇزدىك گۋمانيست» نوميناتسياسى بويىنشا شىعارماشىلىق جۇمىستار Microsoft Word تۇرىندە قابىلدانادى. شىعارما كولەمى 14 شريفتپەن، 1,0 ينتەرۆالمەن، 10 بەتتەن اسپاۋ كەرەك.
«ۇزدىك پوەزيا» نوميناتسياسى بويىنشا شىعارماشىلىق جۇمىستار Microsoft Word تۇرىندە قابىلدانادى. ولەڭنىڭ كولەمى 14 شريفتپەن، 1,0 ينتەرۆالمەن، 120 جولدان اسپاۋ كەرەك.
«ۇزدىك بەينەلەۋ ونەرى» بويىنشا شىعارماشىلىق جۇمىستار abai-festival@bk.ru ەلەكتروندى پوچتاسىنا جولدانۋى ءتيىس. سونداي-اق سۋرەتتىڭ ەلەكتروندى نۇسقاسى jpg (300 پيكسەلدەن كەم ەمەس) تۇرىندە ۇيىمداستىرۋشىلاردىڭ ەلەكتروندى پوشتاسىنا جولدانۋ كەرەك.
«ۇزدىك اباي اندەرىن ورىنداۋشىسى» نوميناتسياسى بويىنشا شىعارماشىلىق جۇمىستار abai-festival@bk.ru ەلەكتروندى پوشتاسىنا جولدانۋى ءتيىس. بەينەروليكتىڭ كولەمى 720p-1080p ارالىعىندا.
ءبىر قاتىسۋشى ءبىر نوميناتسياعا تەك ءبىر جۇمىس قانا جىبەرە الادى، ال جالپى 1 قاتىسۋشى بايقاۋ اياسىندا تەك 2 نوميناتسياعا عانا قاتىسا الادى، ودان ارتىق جۇمىس ۇسىنا المايدى.
ماتەريالدار تەك قازاق تىلىندە قابىلدانادى.
قاتىسۋشىلار شىعارماشىلىق جۇمىستارعا وزدەرىنىڭ تولىق اتى-ءجونىن، تەلەفون نومەرىن، مەكەن-جايىن جانە وزدەرى تۋرالى قىسقاشا مالىمەتتى قوسىپ جازىپ، abai-festival@bk.ru ەلەكتروندى پوشتاسىنا جىبەرۋ كەرەك.
بايقاۋ تالاپتارى:
بايقاۋعا شىعارماشىلىق جۇمىستاردى قابىلداۋ 2020 جىلدىڭ 1 شىلدە كۇنى نۇر-سۇلتان ۋاقىتى بويىنشا ساعات 09.00-دە باستالىپ، 2020 جىلدىڭ 5 تامىزىندا ساعات 23:59-دا اياقتالادى.
قازاقستاننىڭ ەگەمەندىگىنە، بىرتۇتاستىعىنا، بىرلىگىنە نۇقسان كەلتىرەتىن ماتەريالدار بايقاۋعا قابىلدانبايدى.
شىعارماشىلىق جۇمىستاردىڭ مازمۇنى جوبانىڭ اتاۋىنا (اباي قۇنانبايۇلىنىڭ 175 جىلدىعىنا وراي «عىلىم تاپپاي ماقتانبا» اتتى شىعارماشىلىق فەستيۆال) ساي بولۋ كەرەك.
بايقاۋ بارىسى:
بارلىق شىعارماشىلىق جۇمىستار «ادىرنا» ۇلتتىق پورتالىنىڭ «Abai-175» ايدارىنا جاريالانادى.
جەڭىمپازداردى اقىنداردان، جازۋشىلاردان، سۋرەتشىلەردەن، كاسىپكەرلەردەن، جۋرناليستەردەن، قوعام قايراتكەرلەرىنەن جاساقتالعان قازىلار القاسى انىقتايدى.
جەڭىمپازدار 2020 جىلدىڭ قازان ايىندا تاراز قالاسىندا وتەتىن قورىتىندى شىعارماشىلىق فەستيۆالدە ماراپاتتالادى.
ار نوميناتسيا بويىنشا قارجىلاي سىيلىقتىڭ كولەمى - 75 000 تەڭگە.
جەڭىمپازدار قارجىلاي سىيلىقتارمەن، ارنايى ازىرلەنگەن اباي مەن ءال-ءفارابيدىڭ مۇسىنشەلەرىمەن، ديپلومدار، رامكالار، گۇل شوقتارىمەن ماراپاتتالادى.
بايقاۋعا قاتىسۋ ءۇشىن ۇسىنىلعان جۇمىستار:
وبەكتيۆتىلىگىنە;
كرەاتيۆتىلىگىنە;
مازمۇنىنا;
كوركەمدىگىنە;
ساپاسىنا;
وزەكتىلىگىنە جانە ت.ب. ەرەكشەلىكتەرىنە قاراي باعالانادى.
ۇيىمداستىرۋشىلار:
"جامبىل وبلىسى اكىمدىگىنىڭ ىشكى ساياسات باسقارماسى" كوممۋنالدىق مەملەكەتتىك مەكەمەسىنىڭ جوباسى اياسىندا «ادىرنا» ۇلتتىق-ەتنوگرافيالىق بىرلەستىگى» قوعامدىق قورى.
تولىق اقپاراتتى +7 747 933 91 09 ءنومىرى ارقىلى بىلە الاسىزدار. (سۇراقتارىڭىزعا دۇيسەنبى-جۇما كۇندەرى ارالىعىندا ساعات 09.00-18.00 اراسىندا عانا جاۋاپ بەرە الادى).
