نۇر-سۇلتاندا قر پرەزيدەنتىنىڭ بۇقارالىق اقپارات قۇرالدارى سالاسىنداعى سىيلىقتارى مەن گرانتتارىن تاپسىرۋ جانە العىس جاريالاۋ ءراسىمى ءوتتى.
شارا بارىسىندا قر پرەزيدەنتى اكىمشىلىگى باسشىسىنىڭ ءبىرىنشى ورىنباسارى داۋرەن اباەۆ مەملەكەت باسشىسى قاسىم-جومارت توقاەۆتىڭ بۇقارالىق اقپارات قۇرالدارى وكىلدەرىن كاسىبي مەرەكەسىمەن قۇتتىقتاۋىن وقىپ بەردى.
قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى سىيلىعىن:
- «قازاق ادەبيەتى» گازەتىنىڭ باس رەداكتورى قۋاتوۆ داۋرەن قاسەنۇلىنا;
- «ەگەمەن قازاقستان» رەسپۋبليكالىق گازەتى» اق باسقارما توراعاسى قىدىرالى دارحان قۋاندىقۇلىنا;
- «جەتىسۋ» تەلەارناسىنىڭ ديرەكتورى سارىباي سەرىك ابىكەنۇلىنا;
- «حابار» تەلەارناسىنىڭ تالدامالىق باعدارلامالار ءبولىمىنىڭ شەف-رەداكتورى ترۋحاچەۆ الەكساندر ۆلاديميروۆيچكە تابىس ەتتى.
ال قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى گرانتتارىن «QAZAQSTAN» ۇلتتىق تەلەارناسىنىڭ ءتىلشىسى ءاشىم البيناعا، «حابار» تەلەارناسى تالدامالىق باعدارلامالار ءبولىمىنىڭ ءتىلشىسى مادياروۆا ماقپال باقىتبەكقىزىنا، «Semei» تەلەارناسىنىڭ رەداكتور-تەلەجۇرگىزۋشىسى نۇرىشەۆا مارجان ەركىمبەكقىزىنا، «ازاتتىق رۋحى» اقپارات اگەنتتىگىنىڭ شىعارۋشى رەداكتورى سمايلوۆ جاندوس مەيىربەكۇلىنا بەردى.
قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى العىسىمەن «انا ءتىلى» گازەتىنىڭ، «قازاقپارات» حالىقارالىق اقپارات اگەنتتىگىنىڭ، «كازاحستانسكايا پراۆدا» رەسپۋبليكالىق گازەتىنىڭ، «QAZAQSTAN» ۇلتتىق تەلەارناسىنىڭ ماڭعىستاۋ وبلىستىق فيليالىنىڭ شىعارماشىلىق ۇجىمى ماراپاتتادى.
«بۇگىنگى ماراپاتتارىڭىز قۇتتى بولسىن! سىزدەر بۇعان ابدەن لايىقتىسىزدار. سونىمەن قاتار، وزدەرىڭىز ارقىلى ەلىمىزدىڭ بارلىق جۋرناليستەرىن كاسىبي مەرەكەلەرىمەن قۇتتىقتايمىن! قادامدارىڭىز قۇتتى، قالامدارىڭىز جۇيرىك بولسىن! ەلىمىزدىڭ دامۋى ءۇشىن اقپارات سالاسىندا ايانباي ەڭبەك ەتە بەرىڭىزدەر»، - دەدى داۋرەن اباەۆ.
"ادىرنا" ۇلتتىق پورتالى
