«ادىرنا» ۇلتتىق پورتالىنىڭ «كەرەك كىسى» سۇحبات الاڭىنا قازاقستاننىڭ ەڭبەك سىڭىرگەن قايراتكەرى مايرا يليسوۆا كەلىپ، اشىق اڭگىمە وربىتكەن بولاتىن. وقىرماندارعا وسى سۇحباتتىڭ جازباشا نۇسقاسىن ۇسىنامىز.
مەرۋەرت تۇسىپباەۆا: بۇگىن بىزدە قوناقتا «پاراسات»، «قۇرمەت» وردەندەرىنىڭ يەگەرى، ءبىزدىڭ «ەسترادانىڭ اناسى» دەگەن اتاق العان ءانشى –قازاقتىڭ مايراسى. مايرا اپكە، قوش كەلدىڭىز. ءسىزدى قۇرمەتتەيمىز، جاقسى كورەمىز. مىنا جوبانىڭ اتاۋى – «كەرەك كىسى». ءسىز قالاي ويلايسىز، كەرەك كىسىسىز بە؟
مايرا يلياسوۆا: ارينە، كەرەكپىن. قازاق اندەرىن، دومبىرانى جاقسى كورەتىن، جاستارعا قامقورلىق كورسەتەتىن «ساعىندىرعان اندەر-اي»، «جان انام» سياقتى تاماشا جوبالارى بار ءانشى رەتىندە كەرەكپىن.
مەرۋەرت تۇسىپباەۆا: ەلگە؟
مايرا يلياسوۆا: ەل سىنشى عوي. اركىم ءوزىن-ءوزى ماقتامايدى. الەۋمەتتىك جەلىلەردە حالىقتان جاقسى ءسوز ەستىپ جاتامىز. جاقسى كىسى دەپ ايتىپ جاتادى. اللا تاعالانىڭ رازىلىعى ءۇشىن قايىرىمدىلىق جاساۋ كەرەك، ساداقا بەرۋ كەرەك دەيدى. بىراق ونى ايقايلاپ ايتۋدىڭ قاجەتى. اللانىڭ بەرگەن ءبىر جاقسى مىنەزى بار. مەن قامقورلىقتى جاقسى كورەم، جانىم اشىعىش، قارتتار ۇيىنە بارعاندا جىلاپ شىعاتىن كەزىم بولادى. بالالار ۇيىنە بارعاندا دا، اۋرۋ سابيلەردى كورسەم جۇرەگىم اۋىرادى... سونشا قاتتى الدىڭعى قاتارداعى باي ادام بولماسام دا، قامقورلىق تانىتامىن. قانداي كورەرمەنىم توقتاتىپ، سۇراق قويىپ جاتسا، توقتاپ، سول كىسىلەردى تانىيتىنداي امانداسىپ، بارلىعىنا جاۋاپ بەرۋگە تىرىسامىن. سودان با ەكەن، «ماعان قاراپايىمسىز» دەپ جاتادى. سوعان قاراعاندا حالقىما كەرەكپىن دەپ ويلايمىن.
مەرۋەرت تۇسىپباەۆا: «جان انام» دەگەن جوبانى باستاعان كەزىڭىزدە، ءسىز ساحناعا شىقتىڭىز جانە مەن ەشقاشان ەستىمەگەن مالىمەتتى ءوز اۋزىڭىزدان ەستىدىم. انام ءتورت جاسمىدا قايتىس بولدى دەدىڭىز. وسى كەيبىر اناسىز وسكەن، جەتىم وسكەن، بالالار ۇيىندە وسكەن بالالاردىڭ جۇرەگى قاتايىپ كەتىپ جاتادى. ءسىز ەركەلەتىپ اناڭىز وسى كۇنگە دەيىن ءتىرى جۇرگەندەي كورىنەسىز. «ءتورت جاسىمدا انام قايتىس بولدى» دەگەنىڭىزدە تاڭ قالدىم. ءتورت جاستاعى بالا ەسىن بىلەيتىن كەز عوي. اناڭىزدىڭ ايالى الاقانىن سەزىنبەسەڭىز دە، وسى مەيىرىمدىلىك جۇرەگىڭىزدە قالاي ساقتالىپ قالدى؟
مايرا يلياسوۆا: جالپى قازاقتا مىناداي ماقال بار: «ايەل الساڭ كورىكتىنى ال، كورمەي الساڭ – تەكتىنى ال» دەيدى. قان دا تەكتىلىكپەن بەرىلە ما دەپ ويلايمىن. ويتكەنى مەنىڭ انام ءوزى وتىز جەتى جاسىندا دۇنيەدەن قايتقان. وتىز جەتى جاسىنا دەيىن ون ءبىر قۇرساق كوتەرگەن. ون ءۇش جاسىندا تۇرمىسقا شىققان. اكەم انامنان ءبىر مۇشەل ۇلكەن. اكەم انامدى وتە جاقسى كورىپتى، ءوزى جاقسى كورىپ الىپتى. ەكەۋى از عانا ءومىر سۇرگەن. تۇڭعىشتارى ۇل بولعان. اتىن ماحمۇد قويىپتى. ودان كەيىن ىلعي قىز بالالار دۇنيەگە كەلە بەرگەن. بارلىعى كىشكەنتاي كەزدەرىندە شەتىنەي بەرگەن. ول كەزدە مەديتسينا ونشا دامىماعان، ءىشى وتسە دە، اشىعان ءسۇت ءىشىپ قويسا دا، ۆيرۋستاردان شەتىنەي بەرگەن. سوندا ءبىز ءتورت قىز قالىپپىز. مەنەن كەيىن ەكى ءسىڭىلىم بولعان. بىراق انام قايتقاندا بىرەۋى ەمشەكتە قالعان، بىرەۋى ءبىر جاستان اسا قايتىپ كەتكەن. سودان ءۇيدىڭ ءتورتىنشىسى ياعني، كەنجەسى بولىپ قالىپپىن. ءۇش اپكەم بار. سوندىقتان مەنىڭ انام دا اكەم دە وتە تەكتى ادامدار بولعان.
مەرۋەرت تۇسىپباەۆا: مايرا اپاي، ەگەر اناڭىز ءتىرى بولىپ، ءسىز ەشقانداي قيىندىق، جەتىمدىك كورمەي وسسەڭىز، وسى دارەجەگە جەتەر ما ەدىڭىز؟ اناڭىزدىڭ بولماعاندىعى سىزگە العا ۇمتىلۋعا موتيۆاتسيا بەردى مە؟
مايرا يلياسوۆا: ارينە، بىز وتە كىشكەنتاي كەزىمىزدە قيىندىق كوردىك. جەتىنشى سىنىپتا اكەمىز قايتىس بولدى. جوو ۇستازدارىمىزدىڭ ءبىرى: -سەندەر اكتەر، ءانشى بولۋعا كەلدىڭدەر. ءارى قاراي ونەر دەگەن قازانعا تۇسەسىڭدەر. تىرمىسىپ شەتىنەن ارى قاراي شىعىپ كەتكەنى ادام بولادى، - دەپ ايتقانى ەسىمدە قالىپتى. ءبىرىنشى اللا. ودان باسقا مەندە تىرەپ تۇرعان ۇلكەن تۋىس اعالارىم بولعان جوق. وتباسىنداعى ءتورت قىز دا ەڭبەكقورمىز. بىراق سونىڭ ىشىندە ەڭ قيىن جولدى، ونەر جولىن تاڭداعان مەن بولدىم. قيىندىقتى كوپ كوردىم.
مەرۋەرت تۇسىپباەۆا: جاڭا اپكەلەرىڭىزدىڭ اتتارىن ايتتىڭىز. ەشقانداي انشىگە قاتىسى جوق. نەگە ناقتى ءسىزدىڭ اتىڭىزدى سولاي قويدى؟ ءسىز اتاقتى ءانشى بولدىڭىز. قالاي ويلايسىز، ادامنىڭ اتى تاعدىرىنا ءىز قالدىرا ما؟
مايرا يلياسوۆا: جاس كەزىمدە «اتتى ويلانىپ قويۋ كەرەك، اتتىڭ قويىلعانىنا قاراي تاعدىرى بولادى» دەپ ايتاتىندارعا ونشا تۇسىنبەيتىنمىن. قازىر اقىل توقتاقاننان كەيىن سوعان كوزىم جەتتى. مەنىڭ ازان شاقىرىپ قويعان ەسىمىم – ماحيرا. ونىڭ ءوزى ءبىر تاريح. ارشاگۇل تويباەۆا دەگەن جۋرناليست مەن تۋرالى جازعاندا «ماحيرا – ايدىڭ تاسقا تۇسكەن ساۋلەسى دەگەن ماعىنانى بەرەدى» دەگەن ەدى. نەگىزى ءاسيا، سانيا، قايىرنيسا (اپكەلەرى) دەگەننىڭ ءبارى قۇراننان الىنعان ات. انام سول جاس كەزىنەن وتىز جەتى جاسىنا دەيىن بەس ۋاقىت ناماز وقىعان ادام.
اكەم ءتيىپ-قاشىپ وقيدى ەكەن. بالا كەزدە ماحيرا دەگەن اتىمنىڭ ر ارپىنە ءتىلىم كەلمەي، ءوزىمدى «مايا» دەيدى ەكەم. كەيىننەن ۇيدەگىلەر دە ماحيراعا تىلى كەلمەدى دەپ، مايرا اتالدىم. سودان قوياندى جارمەڭكەسىندەگى مايرا ۋاليقىزى اپامنىڭ تاعدىرى ماعان اۋىپ، مەن ءانشى بولىپ كەتتىم.
ءالى ەلگە تانىلا قويماعان كەزىم ەدى. نۇرلان ونەرباەۆ جۇرگىزەتىن كونتسەرتكە سۆەتا ەسمۇراتوۆا دەگەن كەرەمەت رەجيسسەر اپايىمىزدىڭ شاقىرۋىمەن كەلدىم. نۇرلاننىڭ ءاربىر سۇراعىنا «مايرادان» باسقا ءسوز ايتپاۋعا كەلىستىك:
-اتىڭ كىم؟
-مايرا
-قازىر قانداي ءان ايتاسىڭ؟
-مايرا
-ەسىمىڭىزدىڭ مايرا ەكەنىن بىلەم، مەن ءانىڭىزدىڭ اتىن سۇراپ تۇرمىن
-مايرا
-مۇنى كىم ورىندايتىن؟
-مايرانىڭ ءانىن مايرا ياعني، مەن ورىندايمىن»، - دەدىم. وسى ديالوگ مەنىڭ برەنتىمە اينالدى.
مەرۋەرت تۇسىپباەۆا: جاڭا ەل مەنى جاقسى كورەدى دەدىڭىز. وسى جاقىن ارادا، كارانتين ۋاقىتىندا ەلدىڭ نەگە ەكەنى بەلگىسىز، انشىلەرگە دەگەن كوزقاراسى وتە تومەندەپ كەتتى. سول كەزدە ءسىز بەلگىلى ارناعا شىعىپ، انشىلەرگە كىشكەنە قولداۋ كورسەتىپ، ەرنار ايدار باۋىرىمىز سەكىلدى لوتەرەيا ويناتىپ جۇرگەن قىزدارعا ەسترادانىڭ اناسى رەتىندە ءبىراز سوزدەر ايتتىڭىز. سودان كەيىن مەن كوپ جەردەن وقىپ ءجۇرمىن، سىزگە دە ەل اۋىز سالىپ، ءبىراز سىناپ پىكىرلەر جازدى. وسى «Kerek kisi» باعدارلاماسى ارقىلى ەلگە دە ءبىر «قۇلاقتارىنا التىن سىرعا» سالىپ قويسام دەيمىن. كەيدە وزىمىزدەن جاسى كىشى باۋىرلارىمىز اۋىر سوزدەر ايتىپ جاتادى. مەن ويلايمىن، قازاقتىڭ ءوز مەنتاليتەتى بار، ۇلكەندى سىيلاپ وسكەن حالىقپىز. ينستاگرامدا وتىرعاندار «ءاي، بۇل كىسى مەنىڭ انامنان دا ۇلكەن عوي، مەن بۇعان «الباستى» دەپ جازبايىن، «قاتىن» دەپ جازبايىن»، دەپ وزدەرىن ۇستاسا. وسىنداي پىكىرلەردى قالاي قابىلدادىڭىز؟
مايرا يلياسوۆا: مەرۋەرت، سەن ايتىپ جاتىرسىڭ عوي، جازباسا ەكەن دەپ. كىمدەر جازادى؟ مىسالى، وتكەن جولى اباي اتامىزدىڭ ءتورت جول ولەڭىن وقىپ، ەڭ اياعىندا توبىرلار مەنى تۇسىنبەدى دەگەنگە كەلتىرىپ ايگۇل يمانباەۆا ايتتى عوي. سول كەزدە وتىرعان حالىقتاردىڭ ءبارى توبىر دەپ سەن حالىقتى ايىتىپ وتىرسىڭ با، سەن كىمسىڭ دەگەن؟ مەن دە ايتار ەدىم، اكادەميك اعالارىمىز، جازۋشى اعالارىمىز، عالىمدار، ۇلكەن-ۇلكەن شەتەلگە بارىپ، بۇتكىل دۇنيەنىڭ ءبىلىمىن الىپ كەلگەندەر، فەيسبۋكتا، ۋاتساپتا، ينستاگرامدا وتىرعان قىزدار مەن جىگىتتەر، اعالارىمىز، اپايلارىمىز، اتالارىمىز، اجەلەرىمىز ەشقاشان ونداي نارسە جازبايدى. مەن بىلەم، كىم جازاتىنىن. ۇيدە، اكە-شەشەسى جۇمىستا، ءوزى جۇمىس ىستەمەي شەمىشكە شاعىپ، تەلەديدار كورىپ، نە ءبىلىمى جوق، نە العان بىلىمىمەن جۇمىس ىستەمەيتىن، تۇسكە دەيىن ۇيىقتايتىن، كەيبىرەۋى اراق ءىشىپ لاعىپ جۇرەتىن كادىمگى ناعىز «توبىرعا» اينالعان ادامدار الگىندەي ءسوزدى جازادى. وعان وكپەلەمەسىن. قازىر مەنى تىڭداپ وتىرعاندار «ءبىز توبىر ەمەسپىز» دەپ اۋىزدارىنا كەلگەنىن جازادى. قىزدارىمىز اۋىزدارىنا كەلگەنىن ايتادى. مىسالى، ءبىزدىڭ قىزدارىمىزدىڭ (ەسترادا انشىلەرى – گ.ا) مەن اتىن ايتپاي-اق قويايىن، جاس كەزىندە ۇلكەن تاماشا ازاماتقا تۇرىسقا شىعىپ، تاعدىردىڭ كەزدەستىرۋىمەن قازىر ءسابي تۋىپ، وزىنەن وتىز جاس، وتىز بەس جاس، جيىرما بەس جاس ۇلكەن ازاماتپەن تاماشا ءومىر ءسۇرىپ، كەرەمەت تاتۋ ءومىر ءسۇرىپ جاتقان قىزدار بار. قازىر سولارعا «ەي، سەن بالەنباي ايەلدى تاستاتىپ...» دەپ سويلەپ جاتاتىندار بار. ول اركىمنىڭ قۇقى. وتىز جاس كىشى بولىپ شىقسا دا انا ازامات ونى باقىتتى قىلىپ وتىر. بىزدە وندايدى تۇسىنبەيدى. سوندىقتان دا ماعان «ءاي، مايرا، سەن انشىلەردى نەمەنە قولداپ وتىرسىڭ؟ ول انشىلەر لوتەرەيادان افەريستەنىپ، ميلليونداپ اقشا تابۋدا» دەپ اۋىزدارىنا كەلگەنىن ايتىپ جاتىر. سوندا ول سول انشىلەر قانداي قيىندىقپەن، قانداي ولەرمەندىكپەن، تاڭنان كەشكە دەيىن ءجۇرىپ اندەرىن جازىپ، كويلەكتەرىن تىككىزىپ ءجۇر دەسەڭشى. قازىر سەن ادەمى كويلەك كيىپ وتىرسىڭ، ەرتەڭ ءبىر حابارعا سەن باسقا كويلەك كيەسىڭ، ودان كەيىن سەن ءتۋفليىڭدى دە اۋىستىرۋىڭ كەرەك، شاشىڭدى جاساتۋىڭ كەرەك. وسىنىڭ ءبارىن جيناعاندا كەرەمەت اقشا. ونىڭ ءبىرىن ويلامايدى. سوندا مەن ايتتىم، انشىلەردە شىعىن كوپ. مىسالى، مەن ءوزىمدى ايتايىن. ءبىر كويلەگىمىز ەڭ ارزان دەگەندە مىڭ دوللار، كەيدە ودان دا اسادى. سول مىڭ دوللاردى «ءبىز اقشاسىز وتىرعاندا، ءبىز كارانتيندە وتىرعاندا نەمەنەگە ايتىپ وتىرسىڭ» دەگەن سوزدەر ايتىلادى.
بىراق سونىڭ ىشىنەن ءبىر قاراڭعىداعى جارىق ساۋلەگە ۇقساپ ءبىر ادامدار «مايرا اپايعا قالاي ۇيالماي ايتىپ وتىرسىز، سەن مايرا اپايدى بىلەسىڭ بە، سەن مايرا اپاي قانداي قايىرىمدىلىق جاسايدى سەن بىلەسىڭ بە، مايرا اپاي اۋرۋلارعا كومەكتەسەتىنىن سەن بىلەسىڭ بە؟ مايرا اپاي كىشكەنتاي سابيلەردى جاندى داۋىسپەن ءتورت جاستان باستاپ مەكتەپ اشىپ ۇيرەتىپ جاتقانىن سەن بىلەسىڭ بە؟ مايرا اپاي قازىر بۇتكىل وبلىستا جاس انشىلەردى سۇيرەلەپ شىعارىپ ءجۇر» دەگەن ءسوز ايتادى.
مەن ءۇشىن تۇككە تۇرمايتىن، قازىر ايتىلىپ، قازىر ۇمتىلاتىن نارسە مەنىڭ جۇيكەمە اسەر ەتپەيدى. بىراق كەيدە «ەەە، باياعىدا الگى قايران قازاعىم دەپ كۇڭىرەنگەن اباي اتا ءوزىنىڭ زامانىنان وتە ەرتە تۋعان ادام عوي. حاكىم اتامىز قانداي دۇرىس ايتقان» دەپ وتىراتىنىم بار.
سەرىكجان ءبىلاش دەگەن قىتايدان كەلگەن قازاق ماشينا ايداپ كەلە جاتىپ سونداي جامان اڭگىمەلەر ايتىپ جاتىر. بىرەۋ وعان تەكست جازىپ بەرىپ، سونى وقىعان شىعار دەپ ويلادىم. ەگەر سولاي بولسا سەرىكجان ءبىر كۇنى ءوزى ايتار.
مەرۋەرت تۇسىپباەۆا: ول كىسىنىڭ قاي سوزىمەن كەلىسپەيسىز؟
مايرا يلياسوۆا: ول كىسىنىڭ بارلىق سوزىمەن كەلىسپەيمىن. «ءانشى- كۇيشىلەر قاپتاپ كەتتى. ميعۇلالار. ميعۇلا دەگەن – باستارىندا ميى جوق اقىماق انشىلەر. قازىر قاپتاعان انشىلەر. سوندا كىم ۇشقىش بولادى، كىم دارىگەر، كىم جازۋ جازادى؟ بۇلاردىڭ ءبارى ءانشى بوپ كەتتى عوي»، - دەيدى.
جانىم-اۋ، ساۋساعىمەن ساناسا بىزدە ساۋساقپەن عانا سانايتىن ءانشى بار. جالپى ءوزىمىز كوپ حالىق ەمەسپىز. سونىڭ ىشىندە ءبىر شىققاندار بار، سوسىن ميلليونداپ اقشا تاۋىپ جاتىر دەيدى. بىزدە بەس التى ميلليون تاباتىن 5-6 عانا ءانشى بار. ون سەگىز ميلليونعا تولدىق دەدى مە جاقىندا؟
ون توعىز ميلليوننىڭ ىشىنەن ميلليونداپ تاۋىپ جۇرگەن جاس انشىلەر – قايرات، تورەعالي، نۇربولات، قۋاندىق، ەركە. ال ديماش بولەك اڭگىمە، بولەك الەم. سوندا بەس-التى ءانشى ميلليون تاۋىپ، جاعدايىن جوندەپ جاتسا اينالايىن حالايىق... مەن ماقتاپ ايتام، قايراتتىڭ قايرات بولعانى گۇلزيرا اناسىنىڭ ارقاسى. تورەعاليدىڭ كەرەمەت انشىلىگى اكەسىنىڭ ارقاسى. اناسى ۇيىندە جاعدايىن جاساپ وتىر.
وكىنىشكە وراي قۋاندىق راقىم دومبىرامەن ايتاتىن ءانشى رەتىندە مەنىڭ «كۇمىس كومەي، جەز تاڭداي» دەگەن كونكۋرسىمنىڭ باس جۇلدەگەرى. نۇربولات ابدۋللين ەكەۋىنىڭ قالتاسىنا ءبىر ميلليون سالىپ بەرگەنبىز. ەكەۋى وزدەرىنىڭ ەڭبەكتەرىمەن شىقتى-اۋ دەپ ويلايمىن. ويتكەنى، ول كىسىلەردىڭ اتا-انالارىن كورگەن ەمەسپىز. بايان الاگوزوۆانىڭ قولىنا تۇسكەن انشىلەردىڭ بارلىعى ميلليونداپ تاۋىپ جاتىر.
مەنىڭشە انشىلەردى باعالاۋ كەرەك، انشىلەردى جاقسى كورۋ كەرەك. ويتكەنى، ءبىز كورەرمەندەرىمىزدى جاقسى كورەمىز، ولاردى قۇرمەتتەيمىز. باسىمىز جەرگە جەتكەنشە ءيىلىپ سالەم بەرىپ، ءيىلىپ كەتەمىز. قول سوققان سايىن باسىمىزدى يەمىز. ودان ارتىق قانداي قۇرمەت كەرەك. ال ەندى تاۋىپ جۇرگەن بەس التى مىڭ تەڭگەگە كەلەر بولساق، ەگەر وزدەرىڭدە جوق بولسا، ونى كورە الماي، جامان ءسوز ايتۋدىڭ كەرەگى جوق. ءبىز كەيدە سول اقشامىزبەن بولىسەمىز. قالاي بولىسەمىز؟ ساداقا بەرەمىز. سپونسور بولامىز، اندەر جازىپ بەرەمىز، ساتىپ الىپ بەرەمىز. كويلەكتەرىن تىككىزىپ بەرەمىز. اۋىلىمىزعا كومەكتەسەمىز. سوندىقتان دا انشىلەرگە ءتيىسۋدى دوعارۋ كەرەك. ونىڭ ىشىندە «شەگىرتكە» دە بار.
مەرۋەرت تۇسىپباەۆا: ءسىز استانادا ءوزىڭىز جالعىز تۇراسىز. توعجاننىڭ اتىراۋدا ءوز وتباسى بار. كەيدە كۇيزەلىپ، جالعىزدىقتان جالىعىپ جانىڭىزدا ەر ازاماتتىڭ بولماعانىنا...
- مايرا يلياسوۆا: مەرۋەرت وسى جەردەن توقتاتايىن با؟ مەن جالعىز ەمەسپىن. قۇدايعا شۇكىر، ءتورت نەمەرەم بار. ەكى اپكەم بار. وزىممەن تەتە اپكەم جاقىن جەرگە كوشىپ كەلدى. ونىڭ اللا بەرگەن ون ءۇش نەمەرەسى بار. ارالاسىپ، ءبىر-بىرىمىزگە كەلىپ-كەتىپ جاتامىز.
-مەرۋەرت تۇسىپباەۆا: ءبارىبىر ول ەر ازاماتقا جەتپەيدى عوي. ەر ازاماتتىق ىقىلاسىنا «ماكە، مايرا، وياندىڭ با، جانىم» دەپ تۇراتىن ءبارىبىر ءبىر ادام...
- سەن جوق دەپ ويلايسىڭ با؟ (كۇلەدى)
- بار ما؟
-ال، مەن تۇرماسامدا بار شىعار ونداي ادام.
- ا، مىنە، وسىلاي-وسىلاي، «كەرەك كىسى» كەيبىر ادامداردىڭ قۇپياسىن اشىپ تاستايدى....
مەرۋەرت تۇسىپباەۆا: مايرا اپكە، «كەرەك كiسىنىڭ» ەڭ سوڭعى ءبىر سۇراعى بار. ءبىر عانا ادامدى ايتاسىز. سىزگە كەرەك كىسى كىم؟
-مايرا يلياسوۆا: توعجانىم! مەنىڭ ءبىر تال قىزىم. ون ۇلعا تاتيتىن قىزىم. ول مەنىڭ نەمەرەلەرىم، التىنداي كۇيەۋ بالام ەرلاشىم (ەرلان), قۇدالارىم، ەكى اپكەم، تۋىستارىم. سوندىقتان توعجانىم تۇرعاندا مەنىڭ ءتورت قۇبىلام تەڭ.
-مەرۋەرت تۇسىپباەۆا: توقسان جەتىنشى جىلى قيىن-قىستاۋ كەزەڭدە، ءۇي الۋىما ءجۇز دوللار جەتپەي تۇرعاندا، سول اقشانى سىزدەن الىپ ەدىم. ەسىمنەن ءالى كەتپەيدى. شىن ىقىلاسىڭىزدىڭ ارقاسى شىعار، سونان بەرى انام ايتپاقشى، قازىر ءۇي الۋ حوببيىمە اينالىپ كەتتى. وسى باعدارلامانى پايدالانا وتىرىپ، العىس رەتىندە موينىڭىزعا جىبەك ورامال تاقسام دەيمىن (جىبەك ورامال تاقتى). قازاقتىڭ ءار قىزى، ءار كەلىنشەگى سىزدەي بولۋعا تىرىسسىن. امان-ساۋ بولىڭىز!
دايىنداعان گۇلۆيرا اسقارقىزى،
"ادىرنا" ۇلتتىق پورتالى
