ساتتىلىك اتاۋلىعا سەنەسىز بە؟ ومىردە باپ شاپپاي، باق شاۋىپ كەتەتىن كەز كوپ كەزدەسەدى. تەك «مەنىڭ جولىم بولمايدى» دەگەندى سوزدىك قورىڭىزدان شىعارىپ تاستاپ، كەلەشەككە سەنىممەن قاراڭىز. الداعى ۋاقىتتا سىزگە قاي ىستە ساتتىلىك سەرىك بولار ەكەن، تەكسەرىپ كورەيىك. سۋرەتتەگى ءتورت قوبدياشاعا قاراپ، ۇناعانىن تاڭداڭىز.
ءبىرىنشى قوبديشانى تاڭداساڭىز، بارلىق باستامالار مەن ىستە جولىڭىز اشىلعالى تۇر. ءوز كۇشىڭىزگە سەنىپ، كەز كەلگەن شەشىمدى باتىل تۇردە قابىلداي بەرسەڭىز بولادى. بۇل اي ءسىز ءۇشىن وتە ءساتتى بولماق، ەش قام جەمەڭىز.
ەگەر ەكىنشى ساندىقشا كوڭىلىڭىزگە جاقسا، ءسىز بۇل ايدا تاسىپ تۇرعان قۋاتىڭىزدى سەزىنەسىز. جاقسىلاپ دەمالۋعا ارنالعان تاپتىرماس كەزەڭ. شىعىن كوپ بولۋى مۇمكىن، دەگەنمەن ول اقشالار كەيىن وكىنبەيتىندەي، ارماندارىڭىز ورىندالىپ، قالاۋىڭىز بولاتىنداي جەرلەرگە جۇمسالادى. سوندىقتان قالاعانىڭىزدىڭ ءتىزىمىن قۇراستىرا بەرسەڭىز بولادى، بارلىعىنا دەرىك قول جەتكىزەسىز.
تاڭداۋىڭىز ءۇشىنشى قوبديشاعا تۇسسە، قالتاڭىز قالىڭداۋىنىڭ بەلگىسى. قارجىلىق جاعدايىڭىز ابدەن جاقسارعالى تۇر. وعان قوسا جۇمىستا دا، قارجىلىق سەرىكتەستىك قىزمەتىندە دە جولىڭىز اشىلادى.
ءتورتىنشى ساندىقشانى ۇناتساڭىز، جاقىن ارادا سەزىم سارايىڭىزدا ساندۋعاش سايراماق. جاڭا تانىستىقتارعا جول اشىلىپ، جۇرەگىڭىزدى سىرلى سەزىم بيلەيدى. تۋعان تۋىس، اتا-انامەن دە وتە تىعىز قارىم-قاتىناس ورناتاتىن كەزەڭ كەلدى.
Massaget.kz
