توتەنشە جاعداي كەزىندەگى جۇمىسسىز قالعان ازاماتتارعا تولەنگەن الەۋمەتتىك كومەك ەندى كارانتين كۇشەيتىلسە دە تولەنبەيدى. ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ كارانتين كۇشەيتىلگەننەن كەيىن 42 500 تەڭگەنىڭ تولەنۋ-تولەنبەۋىنە قاتىستى پىكىر ءبىلدىردى.
مينيستر توتەنشە جاعداي كەزىندە 42 500 تەڭگە تولەۋگە مەملەكەتتەن ءبىراز قاراجات جۇمسالعانىن ايتتى. بىراق قارجى بيۋدجەتتەن ەمەس، مەملەكەتتىك الەۋمەتتىك ساقتاندىرۋ قورىنىڭ اكتيۆتەرىن ساتۋ ەسەبىنەن تۇسكەن. توتەنشە جاعداي كەزىندە 322 ميلليارد تەڭگە جۇمسالىپ، 4 ملن 607 مىڭ ادام 42500 تەڭگە العان. 8 ميلليوننان استام ادام ءوتىنىش بەرگەن.
– ەندى 42 500 تەڭگە تولەنبەيدى. ونى جوسپارلاپ وتىرعان جوقپىز. 42 500 تەڭگەلىك كومەكتى 4 ميلليون 607 مىڭ ادام الدى. قازىر قوردىڭ قارجىلىق مۇمكىندىگى شەكتەۋلى. دەگەنمەن، جاعدايعا قاراي قاجەتتىلىك بولسا، باسقا قارجى كوزدەرى تابىلاتىن شىعار، - دەدى مينيستر ورتالىق كوممۋنيكاتسيالار قىزمەتىندەگى بريفينگ بارىسىندا.
"ادىرنا" ۇلتتىق پورتالى
