Tótenshe jaǵdaı kezindegi jumyssyz qalǵan azamattarǵa tólengen áleýmettik kómek endi karantın kúsheıtilse de tólenbeıdi. Eńbek jáne halyqty áleýmettik qorǵaý mınıstri Birjan Nurymbetov karantın kúsheıtilgennen keıin 42 500 teńgeniń tólený-tólenbeýine qatysty pikir bildirdi.
Mınıstr tótenshe jaǵdaı kezinde 42 500 teńge tóleýge memleketten biraz qarajat jumsalǵanyn aıtty. Biraq qarjy bıýdjetten emes, memlekettik áleýmettik saqtandyrý qorynyń aktıvterin satý esebinen túsken. Tótenshe jaǵdaı kezinde 322 mıllıard teńge jumsalyp, 4 mln 607 myń adam 42500 teńge alǵan. 8 mıllıonnan astam adam ótinish bergen.
– Endi 42 500 teńge tólenbeıdi. Ony josparlap otyrǵan joqpyz. 42 500 teńgelik kómekti 4 mıllıon 607 myń adam aldy. Qazir qordyń qarjylyq múmkindigi shekteýli. Degenmen, jaǵdaıǵa qaraı qajettilik bolsa, basqa qarjy kózderi tabylatyn shyǵar, - dedi mınıstr ortalyq kommýnıkaııalar qyzmetindegi brıfıng barysynda.
"Adyrna" ulttyq portaly
