پسيحولوگتاردىڭ ايتۋىنشا، ءبىزدىڭ ءاربىر قولداناتىن زاتتارىمىز ءوزىمىز تۋرالى قانداي دا ءبىر اقپارات بەرەدى ەكەن. اسىرەسە، كۇندەلىكتى تۇتىناتىن زاتتارىمىز ءدال مىنەزدەمە بەرەتىن كورىنەدى. ەندەشە بۇگىن اميانىڭىزعا قاراپ ءسىز تۋرالى ايتىپ كورەيىك.
1. كونۆەرت ءپىشىندى ءاميان.
مۇنداي ءاميان بارلىق زاتتى ساقتاي بەرۋگە ىڭعايلى. مىسالى سۋرەتتەر، نەسيە نەمەسە بانك كارتالارى. بۇل ءامياننىڭ يەسى كوپ ساۋدا جاسايدى. وزىنە نەمەسە وتباسى ءۇشىن بىرنارسە ساتىپ الۋعا قۇمار. ادەتتە ولار بارلىعىنىڭ ءوز ورنىمەن بولعانىن قالايدى.
2. قاتپارلى ءاميان قالتاعا دا، سومكەگە دە وڭاي سالىنادى. ول ءامياننىڭ يەسى بەلسەندى، ادامدارمەن ءتىل تابىسقىش، ەركىندىكتى باعالايتىن جانە ۋاقىتتىڭ قادىرىن بىلەتىن ادامدار.
3. تۋريستىك ءاميان ياعني بارلىق زاتتارعا ارنالعان. بۇل جاندار جۇمىس بارىسىمەن ءجيى ءىس ساپارعا شىعۋى مۇمكىن. وسىنداي ءاميان ۇستايتىن ادامدار سابىرلى، ۇقىپتى، سەنىمدى بولىپ كەلەدى، ءارى بىردەن ناقتى شەشىم قابىلداي الاتىن قاسيەتى بار. وي-ءورىسى دە كەڭ.
4. نەسيە كارتالارىن سالاتىن ءامياندى ۇلكەن قالانىڭ تۇرعىندارى ءجيى ۇستايتىن كورىنەدى. ولار وتە ساق ادامدار، اقىلدى، ەنەرگياعا مول بولىپ كەلەدى. زاماناۋي ءومىر ءسۇرۋدى قالايدى، كەز كەلگەن جاعدايدان ءلاززات الا بىلەدى.
5. جارقىن ديزايندى ءاميان ۇستايتىندار، جاستارىنىڭ قانشادا ەكەنىنە قاراماي، جاندارىنىڭ جاس ەكەنىن بىلدىرەدى. ولار ومىردەن تەك جاقسىلىقتى، كەرەمەتتى عانا كورەدى. ۇنەمى ەرەكشە يدەيالارعا تولىپ جۇرەدى.
6. ءبىر قىزىعى، ءاميانسىز جۇرەتىن ادامدار تۋرالى مىنەزدەمە بەرۋ قيىن ەكەن. اقشاسىن سومكە نەمەسە قالتادان شىعارىپ بەرەتىن ادامداردىڭ قارجىلىق جاعدايى تىم كەرەمەت بولمايدى ەكەن.
alashinform.kz
