"دارىگەرلەردەن تۇسىنىكتەمە الىندى": اكىم ورىنباسارى اقتوبەدەگى كەلەڭسىز جاعدايعا تۇسىنىك بەردى

854

 

ەستەرىڭىزدە بولسا وسىدان بىرنەشە كۇن بۇرىن الەۋمەتتىك جەلىلەردە اقتوبە اۋرۋحاناسىندا جەتكىزىلگەن ناۋقاستى قابىلداماي جاتقان ۆيدەو تاراپ كەتكەن بولاتىن. بۇگىن اتالعان جايتكە قاتىستى وبلىس اكىمىنىڭ ورىنباسارى نۇرجاۋعان قالاۋوۆ تۇسىنىكتەمە بەردى.

قالاۋوۆتىڭ ايتۋىنشا، اقتوبە وبلىسىندا كوروناۆيرۋس جۇقتىرعان ناۋقاستاردى قابىلدايتىن ورىن جەتكىلىكتى. دارىگەرلەر ناۋقاستاردى قابىلداۋ ءۇشىن ارنايى 1536 ادامدىق ورىن ازىرلەگەن. ونىڭ 226-سى ينفەكتسيالىق ورىن، 780-ى پروۆيزورلىق ورىن، 500-ءى كارانتيندىك ورىن. اتالعان ورىنداردا قازىر ورىن جەتىسپەۋشىلىگى جوق. ينفەكتسيالىق اۋرۋحانانىڭ - 50%، پروۆيزورلىق مەكەمەنىڭ - 65%، كارانتيندىك ورىننىڭ - 57% بوس تۇرعان كورىنەدى.

نۇرجاۋعان قالاۋوۆ  اۋرۋحانادا ورىن بولا تۇرا جەتكىزىلگەن ناۋقاستاردى نەلىكتەن قابىلداماعانىنا تۇسىنىكتەمە بەردى.

كوروناۆيرۋس جۇقتىرعاندار ستاتسيوناردا جاتىر. ولاردان بولەك پنەۆمونيامەن اۋىرعاندار سانى سوڭعى اپتادا كۇرت ءوسىپ كەتتى. قازىرگى كەزدە 360 ادام پنەۆمونيا بويىنشا ەم قابىلداۋدا. ولارعا قارعالى جانە تەمىر جول اۋرۋحاناسىنان ورىن بەرىلگەن، سول جەرلەردە قابىلدايدى. دەگەنمەن، تۇرعىندار وزدەرىنىڭ تۇرعىلىقتى جەرى بويىنشا اۋرۋحاناعا بارعىسى كەلەدى. سول سەبەپتى تەمىرجول اۋرۋحاناسىنا ادامدار كوپتەپ بارىپ، ول جەردە بەلگىلەنگەن ورىننان اسىپ كەتكەن.  ناۋقاستاردى باسقا جەرگە جىبەرۋ بويىنشا نارازىلىقتار بولدى. ول بويىنشا ءتيىستى شارالار جۇرگىزىلدى، دارىگەرلەردەن تۇسىنىكتەمە الىندى. ولاردى دا تۇسىنۋگە بولادى، ەم جاسايمىز دەپ كۇن-تۇنگە قاراماي جۇمىس ىستەدى. ءتىپتى ولار 3 ايدان بەرى ۇيلەرىن كورمەستەن جاتاقحانادا تۇرىپ جۇمىس ىستەپ جاتىر، - دەدى نۇرجاۋعان قالاۋوۆ.

"ادىرنا" ۇلتتىق پورتالى

پىكىرلەر
رەداكتسيا تاڭداۋى