جابىرلەنۋشىنىڭ اناسى 2020 جىلى 13 ماۋسىمدا پوليتسياعا ارىز جازىپ، ءىس سوتقا دەيىنگى تەرگەۋدىڭ بىرىڭعاي تىزىلىمىنە قر قىلمىستىق كودەكسى 122-بابىنىڭ، 2-بولىگى بويىنشا تىركەلگەن.
"سول كۇنى 25-26 جاس ارالىعىنداعى ءۇش كۇدىكتى ۇستالدى، ولاردىڭ بارلىعى تسەلينوگراد اۋدانىنىڭ تۇرعىندارى. كۇدىكتىلەردىڭ اتالعان قىلمىسقا قاتىسى بارىن دالەلدەيتىن دەرەكتەر انىقتالدى. تەرگەۋ جۇمىستارىنا بايلانىستى سوت ساراپتامالارى تاعايىندالدى", - دەيدى پد ءباسپاسوز قىزمەتىنىڭ وكىلدەرى.
پولتسيا مالىمەتىنشە، كۇدىكتىلەر ۇستالىپ، تسەلينوگراد اۋدانىنداعى پوليتسيا بولىمشەسىنە ۋاقىتشا تەرگەۋ يزولياتورىنا قامالدى. تەرگەۋدى پوليتسيا دەپارتامەنتىنىڭ باسشىسى ءوز قولىنا الدى.
ودان بولەك، ءبىلىم جانە عىلىم مينيسترلىگى بالا قۇقىقتارىن قورعاۋ كوميتەتى جەرگىلىكتى اتقارۋشى ورگاندارمەن جانە ءىىم-نە ساۋال جولداعانىن حابارلادى.
