كوپ ويلانباستان كوزىڭىزگە بىردەن تۇسكەن، جانە وزىڭىزگە ۇناعان تومەندەگى سۋرەتتەگى ەسىكتەردىڭ ءبىرىن تاڭداڭىز.
تاڭداپ بولعان بولساڭىز، ەسىكتى اشىپ، ءوزىڭىز جايلى قىزىقتى اقپاراتتاردى ءبىلىڭىز. سونىمەن ءسىزدىڭ شىنايى مىنەزىڭىز قانداي؟
№1 ەسىك
ەگەر ءسىز ءبىرىنشى ەسىكتى قاققان بولساڭىز، ءسىز تابيعاتىڭىزدان وتە شىدامدى ادامسىز. وزگەلەردىڭ جاعدايىن وتە جاقسى تۇسىنەسىز. جانە جانىڭىزعا جاقىن ادامداردىڭ باسىنا تۇسكەن قيىندىق ءسىزدى بەي-جاي قالدىرمايدى. ءسىز دە بوس ۋاقىت دەگەن بولمايدى. بولا قالعان كۇننىڭ وزىندە دە سىزدەن كومەك سۇراپ كەلگەن ادامنىڭ شارۋاسىن شەشۋگە بوس ۋاقىتىڭىزدىڭ بارلىعىن ارنايسىز. اينالاڭىزدا بولىپ جاتقان وقيعالاردىڭ ەشبىرى ءسىزدىڭ قاتىسۋىڭىزسىز وتپەيدى. ءبىر سوزبەن ايتقاندا ءسىز ءوزىڭىز ءۇشىن ەمەس، وزگەلەر ءۇشىن جاراتىلعان جانسىز. ءسىزدىڭ جۇرەگىڭىز نازىك، بولمىسىڭىز ەرەك. مىنەزىڭىز اشىق، جارقىن كوڭىلىڭىزبەن ادامداردى تەز باۋراپ الاتىن كۇشكە يەسىز. بالكىم، ءبىر ساتكە بولسا دا وزىڭىزگە كوڭىل بولەرسىز؟ سىزگە ايتار كەڭەسىمىز، ءبىر كۇنىڭىزدى وزىڭىزگە ارناڭىز. ساياحاتتاڭىز، تىنىعىڭىز، كىتاپ وقىڭىز، جاقسى فيلم كورىڭىز.
№2 ەسىك
ەكىنشى ەسىكتى اشقان بولساڭىز، ءسىز قاراپايىم ادام ەمەسسىز. بويىڭىزدا شىعارماشىلىق دارىن بار. اينالاداعى بولىپ جاقتان وقيعالاردىڭ بارلىعى ءسىزدى بەي-جاي قالدىرمايدى. ءتىپتى بولماشى وزگەرىستىڭ ءوزى سىزگە ەرەكشە شابىت سىيلايدى. ءسىزدىڭ ەرەكشە دارىنىڭىز بەن كوپ قىرلى قابىلەتىڭىزگە وزگەلەر قىزعانىشپەن قارايدى. ءتىپتى ولاردىڭ قاتارىندا دوستارىڭىز دا بار. ءساندى كيىنەسىز، سوڭعى ءسان ۇلگىسىندەگى كيىمدەردى ۇيلەستىرە بىلەسىز. شىعارماشىلىقتان بولەك ارتىستىك قابىلەتىڭىز بولعاندىقتان، اينالاداعى ادامدارعا ەرەكشە اسەر قالدىراسىز. ءسىزدى وڭاي ۇمىتا سالۋ قيىن. ەگەر قازىرگى ماماندىعىڭىز تەاتر، كينو، شىعارماشىلىق سالاسىنا قاتىستى بولماسا، ويلانىپ كورەرسىز. ويتكەنى ەرەكشە دارىندى تۇنشىقتىرۋعا بولمايدى.
№3 ەسىك
ءۇشىنشى ەسىكتى ۇيىمداستىرۋشىلىق قابىلەتى باسىم ادام اشادى. ءسىزدىڭ ىشكى تۇيسىگىڭىز جاقسى دامىعان. سونىڭ ارقاسىندا ومىرلىك جولىڭىزدى جاڭىلماي تاۋىپ كەلەسىز. ەسەپكە جانە قۇندى قاعازدارمەن جۇمىس ىستەۋگە شيراقسىز. اۋقىمدى جوبالاردى اياعىنا دەيىن جەتكىزىپ، جەڭىستى قانجىعاڭىزعا وڭاي بايلاۋعا بەيىمسىز. الدىڭىزدا وتىرعان ادامنىڭ ويىن تەز وقىپ قوياسىز. سول سەبەپتى ءسىزدى الداپ، تاقىرعا وتىرعىزۋ وتە قيىن. وزگەلەرگە نە كەرەك ەكەنىن جاقسى بىلەسىز. ماقساتىڭىز ايقىن. ءتىپتى ساتسىزدىكتەردىڭ ءوزىن، ەڭسەڭىزدى تىك ۇستاعان كۇيى جەڭىل قابىلدايسىز. دوستارىڭىزدىڭ ءوزى ساتسىزدىككە ۇشىراسا ءسىزدىڭ قولداۋىڭىزعا ءزارۋ. ويتكەنى ءسىز ءاردايىم «دوستىم، ەڭسەڭدى تۇسىرمە! قيىندىقتىڭ بارلىعىن بىرگە ەڭسەرەمىز» دەپ شابىتتاندىراسىز. سىزگە كەڭەسىمىز، وسى قالپىڭىزدان تانباڭىز.
№4 ەسىك
ءتورتىنشى ەسىكتىڭ يەسى وتە قۇپيا ادام. ءوزىڭىز جايلى وزگەلەردىڭ ءسوز تاسىعانىن اسا ۇناتپايسىز. ءسىز اعىسپەن جۇرۋگە كونبەيسىز. ومىردە ءوز جولىڭىزدى ناقتى ايقىنداعان بولساڭىز، اعىسقا قارسى جۇزۋگە دە دايىنسىز. اينالاڭىزعا سىني كوزقاراسپەن قارايسىز. ءسىزدىڭ دامۋىڭىز بەن جەتىستىككە جەتۋىڭىزگە كەدەرگى بولاتىن ادامدارمەن بىردەن قوشتاساسىز. ءتىپتى دوستارىڭىزدىڭ ءوزى ءسىزدىڭ ىرىكتەۋىڭىز بەن سىنىڭىزدان وتكەن. ويتكەنى ءسىز موتيۆاتسيا سىيلايتىن ادامدارمەن جولداس بولعاندى ۇناتاسىز. ىشكى سىرىڭىزدى كوپ اشا بەرمەيسىز. الايدا بويىڭىزداعى ەڭ جاقسى قاسيەتتەردىڭ ءبىرى جانىڭىزداعى ادامداردىڭ قاتەلىككە ۇرىنارىن الدىن الا سەزىپ وتىراتىندىعىڭىزدا. جانە قاتەلىك جاساۋلارىنا جول بەرمەيسىز. ولار ءسىزدىڭ ەسكەرتپەڭىزدى ەسكەرگىلەرى كەلمەگەنمەن، ءسىزدىڭ ەشقاشان قاتەلەسپەيتىنىڭىزدى بىلەدى. سول سەبەپتى ءسىزدى تىڭداۋعا ءماجبۇر. ويتكەنى ءسىز تۋراسىن ايتاتىن، بىربەتكەي ادامسىز. ال، تۋرا بيدە تۋعان جوق.
