كوك بازار تەرريتورياسىندا ورنالاسقان "دوستار-كوممەرتس" بازارى قىزمەتكەرلەرى اراسىندا كوروناۆيرۋس ينفەكتسياسىنىڭ تىركەلۋىنە بايلانىستى ۋاقىتشا جابىلدى. قالالىق اكىمدىكتىڭ مالىمەتىنشە، ساۋدا ورنى 23 ماۋسىمعا دەيىن جابىلعان.
بازار جۇمىسىن الماتى قالاسىنىڭ تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى ءتيىستى ءىس-شارالار مەن ەپيدەميولوگيالىق زەرتتەۋلەر جۇرگىزۋ ءۇشىن توقتاتقان.
بازار قىزمەتكەرلەرى كوروناۆيرۋسقا تەست تاپسىرعان. قازىرگى كەزدە ولار تەست ناتيجەسىن كۇتىپ وتىر.
ارنايى مونيتورينگتىك توپ كوك بازار اۋماعىندا تەكسەرۋ جۇرگىزىپ، تۇتىنۋشىلار مەن ساتۋشىلار ءۇشىن بايلانىسسىز تەرمومەتريا قۇرىلعىسى قوندىرىلماعىنىن، تۇتىنۋشىلار الەۋمەتتىك قاشىقتىق ساقتاۋ ءۇشىن بەلگىلەر سالىنباۋىن، جەكە قورعانىس قۇرالدارى بارلىق جەردە بىردەي قويىلماعانىن جويۋ، رۇقسات ەتىلگەن جۇمىس رەجيمىنە سايكەس كەلمەۋ فاكتىلەرىن انىقتاعان.
انىقتالعان ءتارتىپ بۇزۋعا بايلانىستى قر اكىمشىلىك قۇقىق بۇزۋشىلىق تۋرالى كودەكسىنىڭ 425-بابىنىڭ 2-بولىگىنە سايكەس، اكىمشىلىك قۇقىق بۇزۋشىلىق تۋرالى حاتتاما تولتىرىلدى. "دوستار-كوممەرتس" كومپانياسىنىڭ قىزمەتىن 2020 جىلدىڭ 13 ماۋسىمىنان باستاپ سوت شەشىمى شىققانعا دەيىن توقتاتا تۇرۋ تۋرالى شەشىم دە قابىلداندى. اكىمشىلىك ءىس ماتەريالدارى الماتى قالاسىنىڭ مامانداندىرىلعان اكىمشىلىك سوتىنا جىبەرىلەدى.
اكىمدىكتىڭ حابارلاعانىنداي، كوك بازار اكىمشىلىگى قىزمەتكەرلەرى اراسىنان 20 ادام كوروناۆيرۋسقا شالدىققان. ال ساۋداگەرلەر اراسىندا تىركەلمەگەن.
"ادىرنا" ۇلتتىق پورتالى
