Kók bazar terrıtorııasynda ornalasqan "Dostar-Kommer" bazary qyzmetkerleri arasynda koronavırýs ınfekııasynyń tirkelýine baılanysty ýaqytsha jabyldy. Qalalyq ákimdiktiń málimetinshe, saýda orny 23 maýsymǵa deıin jabylǵan.
Bazar jumysyn Almaty qalasynyń Taýarlar men qyzmetterdiń sapasy men qaýipsizdigin baqylaý departamenti tıisti is-sharalar men epıdemıologııalyq zertteýler júrgizý úshin toqtatqan.
Bazar qyzmetkerleri koronavırýsqa test tapsyrǵan. Qazirgi kezde olar test nátıjesin kútip otyr.
Arnaıy monıtorıngtik top Kók bazar aýmaǵynda tekserý júrgizip, tutynýshylar men satýshylar úshin baılanyssyz termometrııa qurylǵysy qondyrylmaǵynyn, tutynýshylar áleýmettik qashyqtyq saqtaý úshin belgiler salynbaýyn, jeke qorǵanys quraldary barlyq jerde birdeı qoıylmaǵanyn joıý, ruqsat etilgen jumys rejımine sáıkes kelmeý faktilerin anyqtaǵan.
Anyqtalǵan tártip buzýǵa baılanysty QR Ákimshilik quqyq buzýshylyq týraly kodeksiniń 425-babynyń 2-bóligine sáıkes, ákimshilik quqyq buzýshylyq týraly hattama toltyryldy. "Dostar-Kommer" kompanııasynyń qyzmetin 2020 jyldyń 13 maýsymynan bastap sot sheshimi shyqqanǵa deıin toqtata turý týraly sheshim de qabyldandy. Ákimshilik is materıaldary Almaty qalasynyń mamandandyrylǵan ákimshilik sotyna jiberiledi.
Ákimdiktiń habarlaǵanyndaı, Kók bazar ákimshiligi qyzmetkerleri arasynan 20 adam koronavırýsqa shaldyqqan. Al saýdagerler arasynda tirkelmegen.
"Adyrna" ulttyq portaly
