ماقسات تولىقباي: جىلقى ەمەس، شوشقا باققانىڭ جاعدايى جاقسارماقشى (ۆيدەو)

4085
Adyrna.kz Telegram

قۇرمەتتى دوستار، مىنا ءبىر دۇنيەنى ءتۇسىندىرىپ بەرىڭىزدەرشى؟ مەنىڭ اقىلىم جەتپەي وتىر. ءبىز ايتامىز عوي، قازاق حالقى ءۇشىن جىلقىنىڭ ورنى بولەك، جىلقى دەگەن مالدىڭ پاتشاسى، كەزىندە اتا-بابالارىمىز اتتىڭ ۇستىندە وتىرىپ وسى ءبىر ۇلان-بايتاق جەردە قورعاپ قالعان دەپ. بىراق بۇدان بىلاي مەملەكەت جىلقىعا ءبىر تەڭگە ءتىپتى، ءبىر تيىن  سۋبتسيديا بولمەيتىن بولدى. ۇساق مال قويدىڭ ءوزىنىڭ جەم-شوبىنە دەپ جىلىنا ءتورت-اق مىڭ تەڭگە بولەدى.

ال بۇل سۋبسيديالاردىڭ بارلىعى قايدا كەتپ جاتىر دەيسىزدەر عوي؟! ونىڭ بارلىعى شوشقا شارۋاشىلىعىن دامىتۋعا جۇمسالادى. ياعني، بۇدان بىلاي ءبىر شوشقا ساتىپ الاتىن بولساڭىز مەملەكەت سىزگە 140 مىڭ تەڭگە اقشا بەرەدى. ءارى ول قايتارىمسىز اقشا.
ودان بولەك دوڭىزدىڭ قارنى اشىپ قالماسىن دەپ جىلىنا تاعى 40 مىڭ تەڭگەدەن بەرەتىن بولدى. مەن تۇسىنەر ەدىم، ەلىمىزدە جىلقى، قوي شارۋاشىلىعى دامىپ كەتىپ، ەتتىڭ كەلىسى 300 تەڭگەدەن بولسا، ول بولەك اڭگىمە. الدە ءبىزدىڭ قازاق حالقى تەك قانا شوشقانىڭ ەتىن عانا جەيتىن بولعان با؟ اۋىلداعى شوپاندار ونسىز دا ارەڭ ءجۇر، جەم-شوپكە اقشا تاپپاي. ولاردىڭ اۋىزىنان جىرىپ سۋبسيديانىڭ بارلىعىن شوشقا شارۋاشىلىعىنا اۋدارۋ قانشالىقتى دۇرىس؟ سىىزدەردىڭ دە ويلارىڭىزدى بىلگىم كەلەدى.

مىسالى، موڭعوليا ءتورت تۇلىك جىلقى مەن قويدىڭ سانىن 90 ملن-عا جەتكىزۋ ارقىلى دا بايىپ وتىر عوي. مەن تۇسىنەمىن، وسىعان بولىنگەن اقشا اسپاننان جاۋىپ جاتقان بولسا. اينالىپ كەلگەندە ءسىز بەن ءبىزدىڭ اقشامىزدى وسى شوشقا شارۋاشىلىعىنا ءبولۋ قانشالىقتى دۇرىس؟ ەگەر قاتەلەسسەم، تۇزەتىڭىزدەر.

ماقسات تولىقبايدىڭ شوشقا شارۋاشىلىعى جايىندا ايتقانى

پىكىرلەر