تابيعات سۇلۋلىعىن كورسەتەتىن فوتوبايقاۋ جاريالاندى

269

«QazaqGeography» رەسپۋبليكالىق قوعامدىق بىرلەستىگى «مەنىڭ قازاقستانىم» اتتى جىل سايىن وتكىزىلەتىن فوتوبايقاۋدى جاريالادى.

بايقاۋ قازاقستاننىڭ ەكولوگياسىنا ارنالعان جانە قوعامنىڭ نازارىن ءبىزدىڭ ۇلان-بايتاق ەلىمىزدىڭ تابيعاتىنا اۋدارۋ جانە ونى ساقتاۋ قاجەتتىلىگى، تۋعان ەلگە دەگەن سۇيىسپەنشىلىكتى تاربيەلەۋ جانە تابيعي بايلىققا ۇقىپتى، جاۋاپتى قارىم-قاتىناستى قالىپتاستىرۋ ماقساتىندا وتكىزىلەدى. بايقاۋعا قاتىسۋشىلار ءوز جۇمىستارىندا تازا تابيعاتتى دا، ەكولوگيالىق قاۋىپ-قاتەردەن كوز جۇمعان تابيعاتتى كورسەتە الادى. مىندەتتى شارت - بارلىق سۋرەتتەر قازاقستاندا جاسالۋى ءتيىس.

بايقاۋ بارلىق جاستاعى اۋەسقوي جانە كاسىبي فوتوگرافتار ءۇشىن اشىق. ءار قاتىسۋشى قازاقستاننىڭ فلوراسى مەن فاۋناسى، تابيعاتى، ەكولوگياسى مەن قورشاعان ورتاسى سەكىلدى ءۇش سانات بويىنشا 10 فوتوسۋرەتكە دەيىن ۇسىنا الادى.

«ءبىز زاماناۋي، كرەاتيۆتى جانە رەزونانستىق، كۇردەلى، ەرەكشە جانە ادەمى جۇمىستاردى ىنتالاندىرامىز. الايدا، قورشاعان ورتاعا قامقورلىق جاساۋدى باستاۋعا جانە ادامزاتتىڭ تابيعات الدىنداعى جاۋاپكەرشىلىگىن ارتتىرۋعا شابىتتاندىراتىن بەينەلەردى باعالايمىز»، - دەيدى ۇيىمداستىرۋشىلار.

فوتوسۋرەتتەر 30 تامىزىنا دەيىن قابىلدانادى.

ەڭ ۇزدىك ءجۇمىستار «ەكولوگيا جانە جاسىل ءوسىم سالاسىنداعى ىنتىماقتاستىق» تاقىرىبىندا كوكشەتاۋ قالاسىندا وتەتىن قازاقستان مەن رەسەيدىڭ وڭىرارالىق ىنتىماقتاستىعىنىڭ حالىقارالىق فورۋمى اياسىندا قويىلادى. بايقاۋ جەڭىمپازدارى ءبىزدىڭ سايت پەن الەۋمەتتىك جەلىدە جاريالانادى.

فوتوبايقاۋعا قاتىسۋ ءۇشىن qazaqgeography.kz سايتىندا تىركەلىپ، قوعامنىڭ مۇشەسى بولۋ قاجەت.

ايتا كتەرلىگى، QazaqGeography گەوگرافيا، كليمات; قورشاعان ورتا، تابيعات رەسۋرستارى; بيوالۋانتۇرلىلىك; تۋريزم، ساياحات، ولكەتانۋ; تاريحي-مادەني مۇرا، ەتنوگرافيا سەكىلدى بەس باعىتتا جۇمىس ىستەيدى.

قازاقپارات

 

پىكىرلەر
رەداكتسيا تاڭداۋى