Tabıǵat sulýlyǵyn kórsetetin fotobaıqaý jarııalandy

3423
Adyrna.kz Telegram

«QazaqGeography» respýblıkalyq qoǵamdyq birlestigi «Meniń Qazaqstanym» atty jyl saıyn ótkiziletin fotobaıqaýdy jarııalady.

Baıqaý Qazaqstannyń ekologııasyna arnalǵan jáne qoǵamnyń nazaryn bizdiń ulan-baıtaq elimizdiń tabıǵatyna aýdarý jáne ony saqtaý qajettiligi, týǵan elge degen súıispenshilikti tárbıeleý jáne tabıǵı baılyqqa uqypty, jaýapty qarym-qatynasty qalyptastyrý maqsatynda ótkiziledi. Baıqaýǵa qatysýshylar óz jumystarynda taza tabıǵatty da, ekologııalyq qaýip-qaterden kóz jumǵan tabıǵatty kórsete alady. Mindetti shart - barlyq sýretter Qazaqstanda jasalýy tıis.

Baıqaý barlyq jastaǵy áýesqoı jáne kásibı fotograftar úshin ashyq. Ár qatysýshy Qazaqstannyń florasy men faýnasy, tabıǵaty, ekologııasy men qorshaǵan ortasy sekildi úsh sanat boıynsha 10 fotosýretke deıin usyna alady.

«Biz zamanaýı, kreatıvti jáne rezonanstyq, kúrdeli, erekshe jáne ádemi jumystardy yntalandyramyz. Alaıda, qorshaǵan ortaǵa qamqorlyq jasaýdy bastaýǵa jáne adamzattyń tabıǵat aldyndaǵy jaýapkershiligin arttyrýǵa shabyttandyratyn beınelerdi baǵalaımyz», - deıdi uıymdastyrýshylar.

Fotosýretter 30 tamyzyna deıin qabyldanady.

Eń úzdik júmystar «Ekologııa jáne jasyl ósim salasyndaǵy yntymaqtastyq» taqyrybynda Kókshetaý qalasynda ótetin Qazaqstan men Reseıdiń óńiraralyq yntymaqtastyǵynyń halyqaralyq forýmy aıasynda qoıylady. Baıqaý jeńimpazdary bizdiń saıt pen áleýmettik jelide jarııalanady.

Fotobaıqaýǵa qatysý úshin qazaqgeography.kz saıtynda tirkelip, qoǵamnyń múshesi bolý qajet.

Aıta kterligi, QazaqGeography geografııa, klımat; qorshaǵan orta, tabıǵat resýrstary; bıoalýantúrlilik; týrızm, saıahat, ólketaný; tarıhı-mádenı mura, etnografııa sekildi bes baǵytta jumys isteıdi.

QazAqparat

 

Pikirler