رەسەيدە ۆاكتسيناتسيا «اسكەري» جاعدايدا سالىنۋى مۇمكىن

2637
Adyrna.kz Telegram

رەسەيدە كوروناۆيرۋسقا قارسى ۆاكتسيناتسيا «اسكەري جولمەن» ءجۇرۋى مۇمكىن، دەدى رەسەي عىلىم اكادەمياسىنىڭ اكادەميگى، رف ەڭبەك سىڭىرگەن عالىمى سەرگەي كولەسنيكوۆ «پارلامەنتتىك گازەتكە» بەرگەن سۇحباتىندا.
«ءداستۇرلى ەمەس» تۇردە «اسكەري» جولمەن كۇزدە نەمەسە قىستىڭ باسىندا ۆاكتسينالاردى سالۋدى  باستايدى، دەدى ول. اكادەميك توتەنشە جاعدايلار كەزىندەگى دارىلەردى تىركەۋدىڭ ەرەكشە قاعيداسى بار ەكەنىن ەسكە سالدى.
«ءبىز ءولىم-ءجىتىمنىڭ جوعارى دەڭگەيىن جانە تۇرعىندارعا كەلەتىن زالالدى ەسكەرە وتىرىپ، اسكەري ماقساتتا جۇرە الامىز دەپ ايتا الامىن. بۇل جاعدايدا بۇكىل حالىققا ەكپە جاسالمايدى، بىراق جۇرتشىلىقتىڭ قاۋىپتى ءبىر بولىگى، اتاپ ايتساق، كوروناۆيرۋستىق ينفەكتسيا وشاقتارىندا جۇمىس ىستەيتىن ادامدار مەن اۋر سىرقاتپەن تىركەۋدەگى ادامدارعا ۆاكتسيناتسيا جاسالادى. ولار ۆاكتسينا سالدىرۋعا كەلىسپەگەن جاعدايدا "اسكەري" جولمەن سالۋعا تۋرا كەلەتىن ەكسپەريمەنتتى دە قولدانۋى مۇمكىن. ال ەگەر ولار ۆاكتسينانى  تاڭداسا كۇزدە نەمەسە قىستا ۆيرۋسقا قارسى ۆاكتسيناتسيالاۋدى باستاي الادى »، - دەدى كولەسنيكوۆ.
ولاي بولماعان جاعدايدا، ۆاكتسيناتسيا جىل سوڭىنا دەيىن باستالادى، دەدى ول.

«ەگەر ءداستۇرلى تۇردە جاسالاتىن بولسا، وندا ۆاكتسينا كەلەسى جىلدىڭ باسىندا پايدا بولۋى مۇمكىن. باسەكەگە قابىلەتتى، ساپالى ۆاكتسينانى تاڭداۋ كەرەك. ول بىرنەشە ەلدەردە جاسالاتىندىقتان، جۇزگە جۋىق باسەكەگە قابىلەتتى ۆاكتسينالار پايدا بولادى. ءارى قاراي ءوندىرىس باستالادى، بۇل دا تەز بىتەتىن پروتسەسس ەمەس. ءبىزدىڭ ەلىمىز ءۇشىن جەتكىلىكتى ۆاكتسينالار جاساۋ ءۇشىن ۇلكەن "قۋاتتار" قاجەت »، - دەپ جازادى اكادەميكپەن سۇحباتتاسقان باسىلىم.

كولەسنيكوۆتىڭ باعالاۋى بويىنشا رەسەيگە جىلىنا سەگىزدەن ون ميلليونعا دەيىن دوزا قاجەت بولادى، بىراق «حالىققا جەتكىلىكتى يممۋنيتەتتى» الۋ ءۇشىن 70 ميلليون دوزا قاجەت.

سارسەنبىدە دەنساۋلىق ساقتاۋ ءمينيسترى ميحايل مۋراشكو كوروناۆيرۋستىق ۆاكتسينانىڭ كلينيكالىق سىناقتارى ماۋسىم ايىنا جوسپارلانعان دەپ مالىمدەدى. دەنساۋلىق ساقتاۋ ءمينيسترى سونىمەن قاتار ءدارى-دارمەكتەردىڭ پايدا بولۋىنا شىلدە ايىنىڭ سوڭعى ونكۇندىگىنە ءۇمىت ارتىپ وتىر، ويتكەنى دوزانى جاساۋشىلار سولاي بولجاپ وتىر دەپ ءتۇسىندىردى مۋراشكو.
سوڭعى مالىمەتتەر بويىنشا، الەمدە COVID-19 جۇقتىرۋشىلاردىڭ جالپى سانى 4,1 ميلليوننان استى، ولاردىڭ ىشىندە 285 مىڭنان استامى قايتىس بولدى. رەسەيدە 242 مىڭعا جۋىق ينفەكتسيا تىركەلدى، 2,2 مىڭنان استامى قايتىس بولىپ، 48 مىڭنان استام ادام ەمدەلدى.

"ادىرنا" ۇلتتىق پورتالى

پىكىرلەر