قر پرەزيدەنتى قاسىم-جومارت توقاەۆ كوروناۆيرۋسپەن كۇرەسكە قانشا اقشا بولىنگەنىن ايتتى, دەپ حابارلايدى zakon.kz.
قازاقستان پاندەميانىڭ ەكپىنىن ازايتۋ ءۇشىن قانداي شارالار قابىلداپ جاتقاندىعى تۋرالى پرەزيدەنت تاسس باس ديرەكتورىنىڭ ءبىرىنشى ورىنباسارى ميحايل گۋسمانعا بەرگەن ەكسكليۋزيۆتى سۇحباتىندا ايتتى.
پرەزيدەنتتىڭ ايتۋىنشا، بۇل باعىتتاعى شارالارعا مەملەكەت 5 جارىم، ءتىپتى شامامەن 6 ترلن تەڭگە جۇمساعان.
جالپى، ءبىز قابىلداعان شارالارعا مەملەكەت بەس جارىم، ءتىپتى شامامەن 6 تريلليون تەڭگە شىعىندادى - بۇل 13 ميلليارد دوللار نەمەسە جالپى ىشكى ءونىمنىڭ 8 پايىزدان استام كولەمى. ياعني، تاعى قايتالاپ ايتامىن، بۇل بۇرىن-سوڭدى بولماعان، شۇعىل ارەكەت ەتۋدى قاجەت ەتكەن شارالار. بۇل شارالاردى ماقساتتى تۇردە قولعا الدىق، ارينە، ەرتەڭ سىن-ەسكەرتپەلەر بولۋى مۇمكىن، ماسەلەن اقشانى جەلگە شاشتى دەگەندەي. بىراق مەن، ەڭ الدىمەن، بۇل جاعدايدا ءبىزدىڭ ازاماتتارىمىزدىڭ ءومىرى مەن ءال-اۋقاتى ءۇشىن ايانباي كۇرەسۋىمىز كەرەك دەپ سانايمىن، - دەدى ول.
سونىمەن قاتار، توقاەۆ حالىق جوقتا ەكونوميكانىڭ دا بولمايتىنىن باسا اتاپ ءوتتى.
