مەملەكەتتەر اراسىندا ماڭگى دوستىق پەن ماڭگى وداقتاستىق بولمايدى. سوندىقتان ءبىزدىڭ ەكى كورشىمىز- قىتاي دا، رەسەي دە بىزگە قاۋىپتى. بۇگىنگى تاڭدا قىتاي دا، رەسەي دە ەكونوميكالىق داعدارىس تاۋقىمەتتەرىن اگرەسسيا ارقىلى شەشكىسى كەلەدى. سوندىقتان رەسەي ۋكرايناعا، ال قىتاي ۆەتنامعا جانە باسقا مەملەكەتتەرگە سوقتىقتى. قىتاي تولىق نارىقتىق ەكونوميكاعا وتپەسە حرونيكالىق داعدارىستان شىعا المايدى. ەگەر، بۇگىنگى جاعداي ساقتالا بەرسە قىتاي قىزىل كوممۋنو-اۆتوريتاريزم ەكونوميكاسىن داعدارىسقا تىكەلەي اپارادى. كوممۋنيستىك يدەولوگيا كلاسسيكالىق نارىققا جول بەرمەيدى. ال كلاسسيكالىق نارىقتىق ەكونوميكالاردىڭ وزىندە دە تسيكلدىق داعادارىستان اۋقىن-اۋقىن ءوتىپ تۇرادى. بىراق كلاسسيكالىق نارىقتىق قاتىناستار مەن بۋرجۋازيالىق قۇقىق جۇيە ورنىققان ەلدەردە ءار تسيكلدىق داعدارىستان نارىقتىق ەكونوميكا ايىعىپ، وڭالىپ، كۇشەيىپ شىعادى.
سونىمەن قىتاي مەن رەسەي كورشىلەرىنە قاتتى قاۋىپتى مەملەكەتتەر. سەبەبى، ولار كەمەل كاپيتاليزممەن نارىققا جەتپەگەن. سوندىقتان اتالعان ەكى مەملەكەت ىشكى داعدارىستار مەن حالىق نارىزىلىعىن كاناليزاتسيالاۋ جولىن اسكەري اگرەسسيا، كورشىلەرىن جاۋلاۋ ارقىلى شەشكىسى كەلەدى. كەزىندە قىتاي ۆەتنامعا شابۋىل جاساپ تويتارىس العان. رەسەيدىڭ ۋكرايناعا اگرەسسياسى دا سول سيپاتتا ، ءتۇبى رەسەي دە ساتسىزدىككە ۇشىرايدى. بىرىككەن ەۋروپا مەن اقش ەكونوميكالىق سانكتسيا جولىمەن رەسەيدى بۋىندىرىپ تۇنشىقتىرماق. ۋكراينا قىرىم جارتىارالىنان ايىرىلىپ، لۋگانسك پەن دونەتسك وبلىستارىنا رەسەي لاڭكەستەرىن جىبەرىپ الدى. بىراق بۇدان ارى اگرەسسياعا كونگىسى جوق. ۋكراينا بىرىككەن ەۋروپا مەن اقشقا سۇيەنە وتىرىپ، رەسەيمەن ۇزاق ۋاقىتقا سوزىلاتىن اسكەري -ساياسي تەكە تىرەسكە تۇسپەك. ءتۇبى رەسەي ۋكرايناعا اننەكسيالانعان تەرريتوريالاردى قايتارۋعا ءماجبۇر بولادى. ۋكرايناعا مىڭ دا ءبىر راحمەت. ۋكراينا رەسەيدىڭ اگرەسسيۆتىك ارانىن تەجەپ وتىر. رەسەي سوڭعى التى جىلدىق ەكونوميكالىق رەتسەسسيادان شىعا العان جوق. ەندى مىنە كوروناۆيرۋس قوسىمشا سوققى بولماق.
قازاقستانعا تەك بىرىككەن ەۋروپا (ەۋروپالىق وداق) پەن اقش -ناتو اسكەري-ساياسي بىرلەستىگى عانا ەگەمەندىگىمىزگە كەپىل بولا الادى. سوندىقتان قازاقستان ەۋرازيالىق مەملەكەت رەتىندە ەۋروپالىق وداق پەن ناتو-دان پانا تابا الارمىز. بىراق رەسەي مەن قىتايدىڭ ءبىزدى ول ۇيىمعا جىبەرۋ ويى جوق، ول ءبىر جاعىنان، ال ەۋروپالىق وداق، ەكىنشى جاعىنان دەموكراتيالىق ستاندارت دەپ تىم قيىن تالاپ قويماق. بىراق ەگەمەندى قازاقستانعا باتىستىق ۆەكتور ەڭ ماڭىزدىسى. باتىسقا بەت الۋ ءبىز ءۇشىن ەكونوميكالىق، الەۋمەتتىك ، ساياسي پروگرەسسكە جەتۋ جولى. سونىمەن ەۋروپالىق وداق پەن ناتو مۇشەلىگىنە جەتۋ ءبىز ءۇشىن تۇپكى ماقسات.
قازاقستاننىڭ كاپيتاليزمىنە قۇقىقتىق كەپىلدىك پەن ساياسي دەموكراتيا جەتپەي تۇر. ەگەردە پرەزيدەنت توقاەۆ ۋادە بەرگەن دەموكراتيالىق ءۇردىس جۇزەگە اسسا، ەكونوميكامىز قوسىمشا يمپۋلس الماق. كلاسسيكالىق كاپيتاليزم قۇقىقتىق جانە ساياسي دەموكراتياسىز العا جىلجىمايدى. بۇل كاپيتالدىڭ زاڭدى سيپاتتاعى دامۋ ەرەكشىلىگى.
قازاق سانى ءتاۋىر ءوسىپ كەلەدى، جىلىنا 265 مىڭعا. قازاق يمميگراتسياسى -ورالماندار اعىمى ، سونىڭ ىشىندە قىتاي مەن وزبەكستاننان كەلۋشىلەر ۇلەسى قوماقتى. بىراق قىتاي ورالمان قازاقتىڭ كەلۋىن ازايتتى. قورىتا ايتساق ، قازاققا ەشبىر مەملەكەتپەن اسا دوستاسپاي ، نە جاۋلاسپاي ، سوعىسپاي ەكونوميكامىز بەن قازاعىمىزدى ءوسىرۋ كەرەكپىز.
ءازىمباي عالي، ساياساتتانۋشى
"ادىرنا" ۇلتتىق پورتالى
