مارعۇلان سەيسەمباي مۇحتار تايجاننىڭ فب-داعى سوزىنە جاۋاپ بەردى.
دوستار، مەنىڭ تايجان تۋرالى كەشەگى پوستىم بارلىق جاقتىڭ دا سەزىمدەر تولقىنىسىن تۋدىردى. بۇل دۇرىس جايت. باتىستا، ءبىز ارماندايتىن دامىعان دەموكراتيالى ەلدەردە ساياساتكەرلەردى جۇرتشىلىق الدىندا تولىقتاي اشكەرە ەتەدى، بۇل ولاردا قالىپتى جاعداي. سوندىقتان، ول ءۇشىن قىسىلۋدىڭ قاجەتى جوق. ءسىز ءوز ساياساتكەرلەرىڭىز تۋرالى ناقتى، ءارى تولىق مالىمەتتى ءبىلۋىڭىز كەرەك.
سونىمەن، تاڭ اتقالى تايجاننىڭ ءبىر-ەكى ەفيرىن قاراپ، پوستىن وقىدىم. وتىرىك ايتپاعاندىعى تۋرالى ءسوزى، پافوسى، مالىمدەمەلەرى وتە كوپ. دەگەنمەن، مەن پوستىمدا جازىپ وتكەن دۇنيەلەردىڭ كوبىسىن مويىندادى. مىسالى، ونىڭ پياز بيزنەسىندەگى شارۋالارعا، وزگەگە ەمەس، ءوز قولىنا تابىستالعان، كەيىن كۇيىپ كەتكەن مەنىڭ 95 000$. ونىڭ جاۋاپتارىندا ناقتىلىق از نەمەسە مۇلدەم جوق. ال شىندىق تۋرا جانە قاراپايىم بولۋى ءتيىس. مەنىڭ قىسقاشا جاۋاپتارىم مەن ەسكەرتپەلەرىم كەلەسىدەي.
تىكەلەي ەفير جانە ءسوزتالاستىرۋلار.
مەن ساياساتكەر ەمەسپىن جانە بۇل سايلاۋ ەمەس. ءسوزتالاستىرۋلاردا ويعا قونىمدى دالەل كەلتىرەتىن ادام از. ول جەردەگى ماسەلە - ارانداتۋ مەن قۇر ايقايمەن جەڭۋ. مۇنداي بالاگانعا قاتىسۋدى قالامايمىن. ال سۇراقتار بولسا، تىم وڭاي:
1.1. تايجان مەنەن اقشا الدى ما، جوق پا؟ ول العانىن مويىندادى. سوعان دا راقمەت!
1.2. مەن كەلتىرگەن كولەمدە الدى ما؟ ول العانىن مويىندادى. سوعان دا راقمەت!
1.3. بۇل كومەك بولدى ما؟
وسى جەردە ول باسقاشا اعىلادى.
بىرەسە، 2019 جىلى ىسكە اسپاي قالعان Tazalike جوباسىنا قاتىستى مەنىڭ قولىم قويىلعان قاعازداردى كورسەتەدى (ال وعان كومەكتى مەن 2016-17 جج جاساعام), بىرەسە، مەنىڭ كومپانيالارىما جاساعان ءبىر «اڭىز» كەڭەس بەرۋ قىزمەتتەرى تۋرالى ايتادى، بىرەسە، ماعان سالىق سالۋدى باسقارۋعا كومەكتەسكەنىن ايتادى، بىرەسە، ءتىپتى، ءوز پوستىندا وعان 2019 جىلى بەرىلگەن Nomad Explorer مۇددەسىن استانادا تانىستىرۋ تۋرالى حاتتى كورسەتەدى، ءبىر جاڭا ىسكەرلىك قارىم-قاتىناستار مەن ونى الىپ بارعان ءوندىرىس ورىندارى تۋرالى جازادى. قىسقاشا ايتقاندا، ءبارىمىزدىڭ باسىمىزدى قاتىرىپ، تۋرا جاۋاپ قايتارماي وتىر.
قىمباتتى مۇحتار، سەن ناقتىسىن ايت. سەن مەنەن 237 100 اقش دوللارىن نە ءۇشىن الدىڭ؟
ەسىڭە سالا كەتەيىن، بىزدە ەكى جوبا بولعان جانە ەكەۋى دە جۇزەگە اسپادى. ءبىرى - پيازعا قاتىستى بولسا، ەكىنشىسى - Tazalike تۋالەتيزاتسيالاۋ جوباسى. 2016-17 جىلدارى ارامىزدا ەشقانداي دا ىسكەرلىك قارىم-قاتىناس بولعان جوق.
سوندىقتان، ناقتى كەلىسىمشارتتى، قاعاز، ەڭ قۇرىعىندا، ماعان كەڭەس بەرۋ قىزمەتىن كورسەتۋىڭدى سۇراعان سكرينشوتىن كورسەت. ورىندالعان جۇمىس اكتىن كورسەت. ماعان كەز كەلگەن زاڭگەر جاساي المايتىنداي قانداي قىزمەت ۇسىنعانىڭدى ناقتى كورسەت؟
وتىرىك ايتۋ مەن بۇرمالاۋىڭدى دوعار. بۇل مەنىڭ ساعان كورسەتكەن كومەگىم ەكەنىن مويىندايتىنداي باتىلدىق پەن مارتتىك تانىت.
P.S. جىلقىشىباي ەفيرىندە ايتقان وتىرىگىڭنىڭ ءبارىن مۇندا اشكەرە ەتپەدىم. قۇنى 2000$ Nomad Explorer ەكسپەديتسيانىڭ بيلەتىنىڭ ءوزى نەگە تۇرادى! جانە بۇل ءبىر دجيپقا بيلەت قۇنى 70 000 تەڭگە بولعان كەزدە.
جوعارىدا كەلتىرىلگەن وڭاي سۇراعىما جاۋاپ بەر. ۇشەۋىنە - مويىنداپ، جاۋاپ بەردىڭ، ەندى سوڭعىسىنا جاۋاپ بەر، سودان سوڭ، مەن بۇل تاقىرىپتى جابايىن.
