Marǵulan Seısembaı Muhtar Taıjannyń FB-daǵy sózine jaýap berdi.
Dostar, meniń Taıjan týraly keshegi postym barlyq jaqtyń da sezimder tolqynysyn týdyrdy. Bul durys jaıt. Batysta, biz armandaıtyn damyǵan demokratııaly elderde saıasatkerlerdi jurtshylyq aldynda tolyqtaı áshkere etedi, bul olarda qalypty jaǵdaı. Sondyqtan, ol úshin qysylýdyń qajeti joq. Siz óz saıasatkerlerińiz týraly naqty, ári tolyq málimetti bilýińiz kerek.
Sonymen, tań atqaly Taıjannyń bir-eki efırin qarap, postyn oqydym. Ótirik aıtpaǵandyǵy týraly sózi, pafosy, málimdemeleri óte kóp. Degenmen, men postymda jazyp ótken dúnıelerdiń kóbisin moıyndady. Mysaly, onyń pııaz bıznesindegi sharýalarǵa, ózgege emes, óz qolyna tabystalǵan, keıin kúıip ketken meniń 95 000$. Onyń jaýaptarynda naqtylyq az nemese múldem joq. Al shyndyq týra jáne qarapaıym bolýy tıis. Meniń qysqasha jaýaptarym men eskertpelerim kelesideı.
Tikeleı efır jáne sóztalastyrýlar.
Men saıasatker emespin jáne bul saılaý emes. Sóztalastyrýlarda oıǵa qonymdy dálel keltiretin adam az. Ol jerdegi másele - arandatý men qur aıqaımen jeńý. Mundaı balaganǵa qatysýdy qalamaımyn. Al suraqtar bolsa, tym ońaı:
1.1. Taıjan menen aqsha aldy ma, joq pa? Ol alǵanyn moıyndady. Soǵan da raqmet!
1.2. Men keltirgen kólemde aldy ma? Ol alǵanyn moıyndady. Soǵan da raqmet!
1.3. Bul kómek boldy ma?
Osy jerde ol basqasha aǵylady.
Birese, 2019 jyly iske aspaı qalǵan Tazalike jobasyna qatysty meniń qolym qoıylǵan qaǵazdardy kórsetedi (al oǵan kómekti men 2016-17 jj jasaǵam), birese, meniń kompanııalaryma jasaǵan bir «ańyz» keńes berý qyzmetteri týraly aıtady, birese, maǵan salyq salýdy basqarýǵa kómekteskenin aıtady, birese, tipti, óz postynda oǵan 2019 jyly berilgen Nomad Explorer múddesin Astanada tanystyrý týraly hatty kórsetedi, bir jańa iskerlik qarym-qatynastar men ony alyp barǵan óndiris oryndary týraly jazady. Qysqasha aıtqanda, bárimizdiń basymyzdy qatyryp, týra jaýap qaıtarmaı otyr.
Qymbatty Muhtar, sen naqtysyn aıt. Sen menen 237 100 AQSh dollaryn ne úshin aldyń?
Esińe sala keteıin, bizde eki joba bolǵan jáne ekeýi de júzege aspady. Biri - pııazǵa qatysty bolsa, ekinshisi - Tazalike týaletızaııalaý jobasy. 2016-17 jyldary aramyzda eshqandaı da iskerlik qarym-qatynas bolǵan joq.
Sondyqtan, naqty kelisimshartty, qaǵaz, eń quryǵynda, maǵan keńes berý qyzmetin kórsetýińdi suraǵan skrınshotyn kórset. Oryndalǵan jumys aktin kórset. Maǵan kez kelgen zańger jasaı almaıtyndaı qandaı qyzmet usynǵanyńdy naqty kórset?
Ótirik aıtý men burmalaýyńdy doǵar. Bul meniń saǵan kórsetken kómegim ekenin moıyndaıtyndaı batyldyq pen márttik tanyt.
P.S. Jylqyshybaı efırinde aıtqan ótirigińniń bárin munda áshkere etpedim. Quny 2000$ Nomad Explorer ekspedıııanyń bıletiniń ózi nege turady! Jáne bul bir djıpqa bılet quny 70 000 teńge bolǵan kezde.
Joǵaryda keltirilgen ońaı suraǵyma jaýap ber. Úsheýine - moıyndap, jaýap berdiń, endi sońǵysyna jaýap ber, sodan soń, men bul taqyrypty jabaıyn.
