قر دەنساۋلىق ساقتاۋ ءمينيسترى ەلجان ءبىرتانوۆ دارىگەرلەرگە ۇستەمەاقى تولەۋدە انىقتالعان زاڭبۇزۋشىلىقتار جايلى مالىمدەدى. بۇل تۋرالى "ايقىن" ءمينيستردىڭ Facebook پاراقشاسىندا سىلتەمە جاساپ جاريالادى.
ءمينيستردىڭ تاپسىرماسىمەن دارىگەرلەرگە بەرىلەتىن ۇستەمەاقىنىڭ دۇرىس اۋدارىلۋى ءۇشىن بارلىقايماقتارداعى كوميسسيالاردىڭ قۇرامىنا الەۋمەتتىك مەديتسينالىق ساقتاندىرۋ قورىنىڭ وكىلدەرى قوسىلعان. سونىڭ ارقاسىندا بىرنەشە كەمشىلىكتەردى انىقتاعان.
«قازىردىڭ وزىندە قور وكىلدەرى بىرقاتار كەمشىلىكتى انىقتادى. اتاپ ايتساق، قاۋىپ توبىندا كورسەتىلمەگەن قىزمەتكەرلەرگە (باس دارىگەرلەر مەن ولاردىڭ ورىنباسارلارى) ۇستەمەاقى نەگىزسىز تولەنگەن. ۇستەمەاقى الۋى ءتيىس ماماندار (كلينيكالىق جانە بيوحيميالىق زەرتحانا، رەنتگەندىك دياگنوستيكا قىزمەتكەرلەرى) شەت قالعان. قىزمەتكەرلەردىڭ قاۋىپ توبى اسىرىپ كورسەتىلگەن. ناۋقاستار تابەلدە كورسەتىلگەن داتادان كەيىن اۋرۋحاناعا جاتقىزىلعان. جۇمىس ۋاقىتىنىڭ ايلىق بالانسى كوتەرىلىپ، مامانعا بەرىلەتىن ۇستەمەاقى سوماسى ازايعان. وڭىرلەردە توسەك-ورىن شامادان تىس ازىرلەنگەن، ارنايى جەدەل جاردەم بريگاداسى انىقتالماعان»، – دەپ جازدى.
سونىمەن بىرگە، مينيستر كوروناۆيرۋستاردى ەمدەپ جاتقان دارىگەر قورعانىش كىيمدەرىن تالاپ بويىنشا پايدالانۋى كەرەگىن ەسكەرتتى.
«باس سانيتارلىق دارىگەردىڭ قاۋلىسىنا سايكەس، اۋرۋ ايماعىنداعى دارىگەرلەر جەكە قورعانىس قۇرالدارىن كيىپ (1-تيپتەگى وباعا قارسى كوستيۋم) 3 ساعاتقا دەيىن جۇمىس ىستەي الادى. وسىلايشا، ەڭبەك زاڭناماسىنىڭ نورمالارىنا سۇيەنە وتىرىپ، زالالدى ەڭبەك جاعدايىندا اپتاسىنا 36 ساعات، باس سانيتارلىق دارىگەر قاۋلىسىنا سايكەس، كۇنىنە 6 ساعات (قورعانىس كيىمىن كەم دەگەندە ەكى رەت اۋىستىرۋ قاجەت) جۇمىس ىستەۋگە رۇقسات ەتىلگەن. جالپى، مەديتسينا قىزمەتكەرىنىڭ ءبىر اۋىسىمى 8-12 ساعاتقا جەتەدى. سەبەبى، ولار ناۋقاستى ەمدەۋدەن بولەك، قۇجاتتارمەن جۇمىس ىستەيدى، كونسۋلتاتسيا جۇرگىزەدى، تاماق ىشەدى، دەمالادى جانە تاعى باسقا. وسىلايشا، ءبىر ايلىق ستاۆكا جاسالادى»، – دەدى ەلجان ءبىرتانوۆ.
