QR Densaýlyq saqtaý mınıstri Eljan Birtanov dárigerlerge ústemeaqy tóleýde anyqtalǵan zańbuzýshylyqtar jaıly málimdedi. Bul týraly "Aıqyn" mınıstrdiń Facebook paraqshasynda silteme jasap jarııalady.
Mınıstrdiń tapsyrmasymen dárigerlerge beriletin ústemeaqynyń durys aýdarylýy úshin barlyqaımaqtardaǵy komıssııalardyń quramyna Áleýmettik medıınalyq saqtandyrý qorynyń ókilderi qosylǵan. Sonyń arqasynda birneshe kemshilikterdi anyqtaǵan.
«Qazirdiń ózinde qor ókilderi birqatar kemshilikti anyqtady. Atap aıtsaq, qaýip tobynda kórsetilmegen qyzmetkerlerge (bas dárigerler men olardyń orynbasarlary) ústemeaqy negizsiz tólengen. Ústemeaqy alýy tıis mamandar (klınıkalyq jáne bıohımııalyq zerthana, rentgendik dıagnostıka qyzmetkerleri) shet qalǵan. Qyzmetkerlerdiń qaýip toby asyryp kórsetilgen. Naýqastar tabelde kórsetilgen datadan keıin aýrýhanaǵa jatqyzylǵan. Jumys ýaqytynyń aılyq balansy kóterilip, mamanǵa beriletin ústemeaqy somasy azaıǵan. Óńirlerde tósek-oryn shamadan tys ázirlengen, arnaıy jedel járdem brıgadasy anyqtalmaǵan», – dep jazdy.
Sonymen birge, mınıstr koronavırýstardy emdep jatqan dáriger qorǵanysh kiımderin talap boıynsha paıdalanýy keregin eskertti.
«Bas sanıtarlyq dárigerdiń qaýlysyna sáıkes, aýrý aımaǵyndaǵy dárigerler jeke qorǵanys quraldaryn kıip (1-tıptegi obaǵa qarsy kostıým) 3 saǵatqa deıin jumys isteı alady. Osylaısha, eńbek zańnamasynyń normalaryna súıene otyryp, zalaldy eńbek jaǵdaıynda aptasyna 36 saǵat, Bas sanıtarlyq dáriger qaýlysyna sáıkes, kúnine 6 saǵat (qorǵanys kıimin kem degende eki ret aýystyrý qajet) jumys isteýge ruqsat etilgen. Jalpy, medıına qyzmetkeriniń bir aýysymy 8-12 saǵatqa jetedi. Sebebi, olar naýqasty emdeýden bólek, qujattarmen jumys isteıdi, konsýltaııa júrgizedi, tamaq ishedi, demalady jáne taǵy basqa. Osylaısha, bir aılyq stavka jasalady», – dedi Eljan Birtanov.
