بۇگىن «ادىرنا» ۇلتتىق پورتالى دەنساۋلىق ساقتاۋ ۆيتسە ءمينيسترى قىزمەتىن اتقارعان كامالجان نادىروۆتىڭ كورونوۆيرۋس جۇقتىرعانىن جازعان بولاتىن. ەندى وسىعان بايلانىستى دەنساۋلىق ساقتاۋ ءمينيسترى ەلجان ءبىرتانوۆ COVID-19-عا تەست تاپسىراتىن بولدى. مۇنى مينيسترلىكتىڭ رەسمي وكىلى دياس احمەتشارىپ ايتتى.
«ەلجان ءبىرتانوۆ بۇگىن كوروناۆيرۋسقا ساراپتاما تاپسىرادى. ناتيجەسى بەلگىلى بولعاندا مىندەتتى تۇردە ايتامىز»، - دەدى دياس احمەتشارىپ.
ونىڭ ايتۋىنشا، 30 ناۋرىزدان باستاپ مينيسترلىكتىڭ ورتالىق اپپاراتىنىڭ 90 پايىزى قاشىقتان جۇمىس ىستەۋگە كوشكەن.
«ءۇشىنشى اپتا ۇيدەن جۇمىس ىستەپ جاتىرمىز. جيىن مەن باسقا دا جۇمىستار ۆيدەوبايلانىس ارقىلى جۇرگىزىلىپ جاتىر. جۇمىسقا تەك ءمينيستردىڭ ءوزى بارىپ ءجۇر، ول كابينەتىندە وقشاۋلانعان. سونداي-اق، تاعى بىرنەشە ادام بار. سول عيماراتتا بولعانداردىڭ بارلىعى تەست تاپسىرادى»، - دەدى مينيسترلىكتىڭ رەسمي وكىلى.
"ادىرنا" ۇلتتىق پورتالى
