Bügın «Adyrna» ūlttyq portaly Densaulyq saqtau vise ministrı qyzmetın atqarǧan Kamaljan Nadyrovtyŋ koronovirus jūqtyrǧanyn jazǧan bolatyn. Endı osyǧan bailanysty Densaulyq saqtau ministrı Eljan Bırtanov COVID-19-ǧa test tapsyratyn boldy. Mūny ministrlıktıŋ resmi ökılı Dias Ahmetşärıp aitty.
«Eljan Bırtanov bügın koronavirusqa saraptama tapsyrady. Nätijesı belgılı bolǧanda mındettı türde aitamyz», - dedı Dias Ahmetşärıp.
Onyŋ aituynşa, 30 nauryzdan bastap ministrlıktıŋ ortalyq apparatynyŋ 90 paiyzy qaşyqtan jūmys ısteuge köşken.
«Üşınşı apta üiden jūmys ıstep jatyrmyz. Jiyn men basqa da jūmystar videobailanys arqyly jürgızılıp jatyr. Jūmysqa tek ministrdıŋ özı baryp jür, ol kabinetınde oqşaulanǧan. Sondai-aq, taǧy bırneşe adam bar. Sol ǧimaratta bolǧandardyŋ barlyǧy test tapsyrady», - dedı ministrlıktıŋ resmi ökılı.
"Adyrna" ūlttyq portaly
