بۇل كومەك الدىمەن، كوپبالالى وتباسىلارعا، مۇمكىندىگى شەكتەۋلى جاندارعا، مۇگەدەك بالا تاربيەلەپ وتىرعان اتا-انالارعا، رەسمي تىركەلگەن جۇمىسسىزدارعا كورسەتىلدى. سولاي بولۋى زاڭدى دا. سەبەبى، كوپبالالى وتباسى – بەرەكە-بىرلىكتىڭ ۇيلەسكەن جەرى، دەمەك، ەلىمىزدىڭ دارحان بولاشاعىنىڭ كەپىلى. ال، مۇمكىندىگى شەكتەۋلى جانداردىڭ مۇددەسى ۇنەمى مەملەكەتتىڭ تىكەلەي نازارىندا. تۇرمىستىڭ قيىن جاعدايىنا تاپ بولعان ازاماتتارعا بەرىلەتىن كومەكتىڭ ءتۇرى – ازىق-تۇلىك سەبەتى. توتەنشە جاعداي جاريالانعالى بۇل كومەك 500 مىڭعا تارتا ادامعا بەرىلەتىن بولعان. پرەزيدەنت قاسىم-جومارت توقاەۆتىڭ تاپسىرماسىمەن ءتىزىم كەڭەيتىلىپ، قوسىمشا قارجى قاراستىرىلدى. ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ ەل بويىنشا 1 ملن. 243 مىڭ ادام وسىنداي كومەك العانىن ايتتى. ولار ازىق-تۇلىك سەبەتى بولماسا 4 ايلىق ەسەپتىك كورسەتكىش كولەمىندە قارجى الۋدا. ۇكىمەتتىڭ جاساعان تاعى ءبىر جەڭىلدىگى – ەشقانداي مەكەمەگە كەلىپ، ءوتىنىش جازۋدىڭ قاجەتى جوقتىعى. كومەك الۋى ءتيىس ازاماتتاردىڭ ءتىزىمىن جەرگىلىكتى اتقارۋشى ورگان ءوزى قالىپتاستىرىپ، ءتيىستى جاردەمدى تاعايىندادى. توتەنشە جاعدايعا بايلانىستى ازاماتتاردىڭ بىرقاتار ساناتىنا ازىق-تۇلىك تۇرمىستىق جيناق اقشا تۇرىندە شوتتارىنا اۋدارىلۋدا. تەك، جەكە شوتتىڭ ءنومىرى بولسا بولدى، وسى شوتقا اقشا ءتۇسىپ تۇرادى. بولىنەتىن قارجى كولەمى دە از ەمەس. توتەنشە جاعدايعا بايلانىستى ازاماتتاردىڭ بىرقاتار ساناتىنا ازىق-تۇلىك تۇرمىستىق جيناق اقشا تۇرىندە شوتتارىنا اۋدارىلۋدا. وتباسىنىڭ ءار مۇشەسىنە بولىنەتىن قارجى مولشەرى – 5567 تەڭگە. شوتتارىنا قارجىلاي الەۋمەتتىك كومەك تۇسكەن كوپبالالى وتباسىلاردىڭ مەملەكەتكە دەگەن ريزاشىلىعى شەكسىز. قارقارالى اۋدانى، قاراعايلى كەنتىنىڭ تۇرعىنى، التى بالا تاربيەلەپ وتىرعان مەيرامگۇل شاكىروۆا ەلىمىزدە توتەنشە جاعداي ەنگىزىلگەلى مەملەكەتتىڭ قامقورلىعىن ەرەكشە سەزىنگەنىن ايتادى. «ۇكىمەتتىڭ ءبىزدى، كوپبالالى وتباسىلاردى ۇمىتپاي، كومەك جاساپ جاتقانىنىڭ ارقاسىندا مەن وزگە دە تۇرمىستىق زاتتارعا الاڭداماستان، بالالارىمنىڭ تاربيەسىمەن اينالىسا الامىن. قازىر ولاردىڭ ساباقتارىن قاداعالاپ، الاڭسىز ءبىلىم الۋىنا، ەلىن سۇيەر ەلجاندى ازامات بولىپ وسۋىنە ەرەكشە كوڭىل بولۋدەمىن. البەتتە، وسىنىڭ بارلىعى مەملەكەتىمىزدىڭ بىزگە، كوپبالالى انالارعا جاساعان قامقورلىعىنىڭ ارقاسى. وتباسىنىڭ عانا ەمەس، مەملەكەتتىڭ دە نەگىزگى دىڭگەگى – انانى سىيلاعان، انانى قۇرمەتتەگەن ەلدىڭ مەرەيى ارقاشان ۇستەم بولارى انىق»، – دەيدى ول. وبلىسىمىزدا ناۋرىز ايىنىڭ وزىندە عانا كەپىلدەندىرىلگەن اتاۋلى الەۋمەتتىك كومەك الاتىن وتباسىلارداعى 6316 بالاعا اقشالاي تولەم تۇرىندە ازىق-تۇلىك-تۇرمىستىق جيناق تولەندى. وعان بولىنگەن قارجى كولەمى – 35,1 ملن. تەڭگە. ال، ءساۋىردىڭ سوڭىنا دەيىن 427 ملن. تەڭگەگە 76 مىڭنان استام ادامدى ازىق-تۇلىك، تۇرمىستىق جيىنتىقپەن قامتاماسىز ەتۋ جوسپارلانعان. قازىردىڭ وزىندە بۇل كومەكتى 18 مىڭنان استام تۇرعىن الىپ وتىر. سولاردىڭ ءبىرى – پريوزەرسك قالاسىنىڭ تۇرعىنى ءمولدىر قۇتجانوۆا. جولداسى ەكىنشى توپتاعى مۇگەدەك بولعاندىقتان، ىندەت ەلگە كەلگەلى بالالار ءۇشىن الاڭداۋشىلىق تانىتقانىن، بىراق، مەملەكەت تاراپىنان جاسالعان كومەك، ول كۇدىگىن سەيىلتكەنىن ايتادى. توتەنشە جاعداي كەزىندە بەرىلگەن ازىق-تۇلىكتى جانە تۇرمىسقا قاجەتتى زاتتاردى 4 قىزى مەن 1 ۇلىنىڭ قاجەتىنە جاراتقان ءمولدىر اي سايىنعى قولداۋ شارالارى قيىن كەزەڭدە وتباسى بىرلىگىن ودان سايىن بەكەمدەي تۇسكەنىن ايتادى.
