شىعىس قازاقستان وبلىسى، جارما اۋدانى، قالباتاۋ اۋىلىنىن تۋماسى، گرەك-ريم كۇرەسىنەن كسرو جانە قازاقستان مەملەكەتىنىڭ سپورت شەبەرى، قازاقستاننىن ەڭبەك سىڭىرگەن قايراتكەرى، داڭقتى پالۋان داۋلەت بولاتۇلى تۇرلىحانوۆ جەرلەستەرىنە كومەك قولىن سوزدى. بۇكىل الەمدى دۇرلىكتىرىپ جاتقان ىندەت كوروناۆيرۋسقا بايلانىستى كومەككە مۇقتاج وتباسىلارعا ازىق-تۇلىك تاراتۋدى قولعا العان داڭقتى پالۋان شقو-نىڭ التى اۋدانىنا كەرۋەن اتتاندىردى.
داۋلەت بولاتۇلىنىڭ اتىنان شىعىس وڭىرىندەگى جارما، تارباعاتاي، اباي، اياگوز، كوكپەكتى جانە ۇرجار اۋداندارىنداعى از قامتاماسىز ەتىلگەن وتباسىلارعا، كوپ بالالى وتباسىلارعا جانە الەۋمەتتىك وسال توپتارعا قايىرىمدىلىق كومەك جاسالدى. ول ەڭ باستى قاجەتتىلىك ۇن، قانت، كۇرىش، ماي سىندى ازىق-تۇلىكتەردەن تۇراتىن جالپى سالماعى 78 توننانى تيەگەن 7 جۇك كولىگى اتالعان اۋداندارعا جونەلتىلدى. وسىنداي قيىن جاعدايدا قول ۇشىن بەرىپ جاردەمدەسكەن، حالقىن ويلايتىن داۋلەت بولاتۇلىنا راحمەت! ەلىمىز بىرلىك پەن تىنىشتىق بولسىن اعايىن!
دۋمان ەلعازى،
شىعىس قازاقستان وبلىسى
