Shyǵys Qazaqstan oblysy, Jarma aýdany, Qalbataý aýylynyn týmasy, grek-rım kúresinen KSRO jáne Qazaqstan memleketiniń sport sheberi, Qazaqstannyn eńbek sińirgen qaıratkeri, dańqty palýan Dáýlet Bolatuly Turlyhanov jerlesterine kómek qolyn sozdy. Búkil álemdi dúrliktirip jatqan indet koronavırýsqa baılanysty kómekke muqtaj otbasylarǵa azyq-túlik taratýdy qolǵa alǵan dańqty palýan ShQO-nyń alty aýdanyna kerýen attandyrdy.
Dáýlet Bolatulynyń atynan Shyǵys óńirindegi Jarma, Tarbaǵataı, Abaı, Aıagóz, Kókpekti jáne Urjar aýdandaryndaǵy az qamtamasyz etilgen otbasylarǵa, kóp balaly otbasylarǵa jáne áleýmettik osal toptarǵa qaıyrymdylyq kómek jasaldy. Ol eń basty qajettilik un, qant, kúrish, maı syndy azyq-túlikterden turatyn jalpy salmaǵy 78 tonnany tıegen 7 júk kóligi atalǵan aýdandarǵa jóneltildi. Osyndaı qıyn jaǵdaıda qol ushyn berip járdemdesken, halqyn oılaıtyn Dáýlet Bolatulyna rahmet! Elimiz birlik pen tynyshtyq bolsyn aǵaıyn!
Dýman Elǵazy,
Shyǵys Qazaqstan oblysy
