توقاەۆ ۋادە ەتكەن 42500 تەڭگەنى الۋ ءۇشىن ء"وتىنىش بەرگەن 2 مىڭعا جۋىق ازامات 2020 جىلدىڭ باسىنان باستاپ (قاڭتار، اقپان، ناۋرىز) ءىس جۇزىندە ايىنا 500 000 تەڭگەدەن نەمەسە ودان دا كوپ ايلىق الىپ كەلگەن" - دەيدى، رەسمي اقپارات كوزى. جارتى ميلليون نەمەسە ودان كوپ جالاقىسى بار ادامدار بولسا، ولار قاتارداعى قاراپايىم جاندار ەمەس. جوعارى شەندى چينوۆنيكتەر، باسشىلار مەن سولاردىڭ بالا-شاعالارى، بايبىشە-توقالدارى، اشىنالارى ەكەنى انىق. دارىگەر، مۇعالىم، ينجەنەر-تەحنيكتەر اراسىندا ءدال سونداي جوعارى جالاقى الاتىن ادامدار جوق. سوندىقتان، تەگىن اقشاعا قۇنىعاتىن دا سول باياعى بيلىك دالىزىندە جۇرگەن وزدەرى بولسا كەرەك. وركەنيەتتى ەلدەردە مۇنداي تىرلىك وتە ۇيات سانالادى. ال، بىزدە پىسىقتىققا جاتاتىن شىعار.
اقش-تا "ورتاشا امەريكالىقتارعا ارنالعان ساۋدا ورنى" دەيتىن ءىرى سۋپەرماركەتتەر بار. ونىسى ءىس جۇزىندە كەدەيلەرگە ارنالعان الەۋمەتتىك ساۋدا ورىندارى دەگەن ءسوز. ونداعى زاتتاردىڭ باعاسى وتە ارزان، راسىمەن دە قولجەتىمدى. سول ساۋدا ورىندارىندا دامۋشى ەلدەردەن كەلگەن تۋريستەر، جولاۋشىلار عانا ءورىپ جۇرەدى. جەرگىلىكتى تۇرعىندار دا وندا كەلىپ-كەتەدى ارينە، كوبى قارا ناسىلدىلەر، كوپبالالى كەدەي ادامدار بولىپ كەلەدى. ال، وعان ءال-اۋقاتى جوعارى ادامدار ولسە دە ماڭىنا جولامايدى. وندا بارىپ، زات-تاۋار كورىپ نەمەسە ساتىپ الىپ جۇرسە وتە ۇيات سانالادى. (پوچتي، بىزشە بولعاندا مونشانىڭ ايەلدەر شومالاتىن وبششي زالىنا نەمەسە اجەتحاناسىنا ەركەك ادام كىرىپ كەتكەندەي-اق تىم ەرسى كورىنەدى). ال، بىزدە سونداي دۇكەن اشىلسا ءبىزدىڭ اشكوز چينوۆنيكتەر بارلىق زاتىن كوشىرىپ الىپ كەتىپ، جەكە ساۋدا ورنىن اشىپ الىپ 2-3 ەسە باعا قوسىپ شىمىرىكپەستەن ساتىپ تۇراتىن شىعار. نەگىزى، رەسمي اقپارات 42500 تەڭگەگە ءوتىنىش بەرىپ جۇرگەن جوعارى جالاقى يەلەرىن اتى-جونىمەن اشىق جاريالاۋلارى كەرەك. حالىق ءبىلسىن، پايداكۇنەمدەردىڭ كىم ەكەنىن، ىندىنى كەتكەندەردىڭ شىنايى سيقىن كورسىن.
قۋاندىق شاماحايۇلى: جارتى ميلليون نەمەسە ودان كوپ جالاقىسى بار ادامدار بولسا، ولار قاتارداعى قاراپايىم جاندار ەمەس
07.04.2020
2378
پىكىرلەر
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз