قازاقستاندا كوروناۆيرۋستان جازىلعان ەكى ادام الماتىنىڭ تۇرعىندارى. دارىگەرلەردىڭ ايتۋىنشا، ولار اۋرۋحانادان ەرتەڭ، 27 ناۋرىزدا شىعارىلادى.
كەشە ەلىمىزدە كوروناۆيرۋستان ەكى ادامنىڭ جازىلعانى حابارلانعان بولاتىن. "ەكى ەمدەلۋشى كوروناۆيرۋستان جازىلدى. قازىر ولار سوڭعى اناليزدەرىن تاپسىرىپ جاتىر. ەرتەڭ اۋرۋحانادان شىعادى", - دەگەن ەدى اقپارات جانە قوعامدىق دامۋ ءمينيسترى داۋرەن اباەۆ.
ايتا كەتەيىك، سوڭعى رەسمي دەرەكتەر بويىنشا قازاقستاندا كوروناۆيرۋس جۇقتىرعانداردىڭ سانى 88-گە جەتتى. "وسى ساعاتتا نۇر-سۇلتان قالاسى بويىنشا 46 ادام، الماتى قالاسىندا – 34 ادام، قاراعاندى قالاسىندا - 2, شىمكەنت قالاسىندا - 2 ادام، الماتى وبلىسىندا - 1 ادام، اقتوبە وبلىسىندا - 1 ادام، جامبىل وبلىسىندا -1 ادام، سولتۇستىك قازاقستان وبلىسىندا - 1 ادام جالپى 88 ناۋقاس تىركەلدى", - دەلىنگەن حابارلامادا.
