Qazaqstanda koronavırýstan jazylǵan eki adam Almatynyń turǵyndary. Dárigerlerdiń aıtýynsha, olar aýrýhanadan erteń, 27 naýryzda shyǵarylady.
Keshe elimizde koronavırýstan eki adamnyń jazylǵany habarlanǵan bolatyn. "Eki emdelýshi koronavırýstan jazyldy. Qazir olar sońǵy analızderin tapsyryp jatyr. Erteń aýrýhanadan shyǵady", - degen edi aqparat jáne qoǵamdyq damý mınıstri Dáýren Abaev.
Aıta keteıik, sońǵy resmı derekter boıynsha Qazaqstanda koronavırýs juqtyrǵandardyń sany 88-ge jetti. "Osy saǵatta Nur-Sultan qalasy boıynsha 46 adam, Almaty qalasynda – 34 adam, Qaraǵandy qalasynda - 2, Shymkent qalasynda - 2 adam, Almaty oblysynda - 1 adam, Aqtóbe oblysynda - 1 adam, Jambyl oblysynda -1 adam, Soltústik Qazaqstan oblysynda - 1 adam jalpy 88 naýqas tirkeldi", - delingen habarlamada.
