قازاقستاننىڭ دەنساۋلىق ساقتاۋ مينيسترلىگى اقتوبە وبلىسىندا كوروناۆيرۋس جۇقتىرعان ءبىر ادام انىقتالعانىن حابارلادى. وسىلايشا ەلدە ۆيرۋس جۇققاندار سانى 58-گە جەتتى دەپ حابارلايدى "ادىرنا".
قازىرگى ۋاقىتقا دەيىن نۇر-سۇلتاندا – 31 ادام، الماتىدا – 23 ادام، قاراعاندىدا – 2, الماتى وبلىسىندا – 1 ادامنان كورونوۆيرۋس تابىلعان بولاتىن.
"ازاتتىقتىڭ" مالىمەتىنشە الەمدە Covid-19 كوروناۆيرۋسى 300 مىڭنان استام ادامعا جۇقتى. قازا بولعاندار سانى 13 مىڭنان اسىپ كەتتى. ۆيرۋس 180-نەن استام ەلگە تارادى. 92 مىڭنان استام ادام دەرتتەن ايىققان.
دۇنيەجۇزىلىك دەنساۋلىق ساقتاۋ ۇيىمى قىتايدان تاراعان بۇل ۆيرۋستى "پاندەميا" دەپ جاريالاعان. كوروناۆيرۋس جايلى قاڭتاردىڭ باسىندا بەلگىلى بولدى. ونى العاش جۇقتىرعاندار قىتايدىڭ حۋبەي پروۆينتسياسىنىڭ ۋحان قالاسىندا تىركەلدى. ۆيرۋس تىنىس الۋ جولىن زاقىمداپ، پنەۆمونيانى ورشىتەدى. بۇل دەرتتىڭ كوبىنە ەگدە ادامدار مەن سوزىلمالى اۋرۋى بار ادامدارعا اۋىر سالدارى بار.
