Qazaqstannyń densaýlyq saqtaý mınıstrligi Aqtóbe oblysynda koronavırýs juqtyrǵan bir adam anyqtalǵanyn habarlady. Osylaısha elde vırýs juqqandar sany 58-ge jetti dep habarlaıdy "Adyrna".
Qazirgi ýaqytqa deıin Nur-Sultanda – 31 adam, Almatyda – 23 adam, Qaraǵandyda – 2, Almaty oblysynda – 1 adamnan koronovırýs tabylǵan bolatyn.
"Azattyqtyń" málimetinshe álemde Covid-19 koronavırýsy 300 myńnan astam adamǵa juqty. Qaza bolǵandar sany 13 myńnan asyp ketti. Vırýs 180-nen astam elge tarady. 92 myńnan astam adam dertten aıyqqan.
Dúnıejúzilik densaýlyq saqtaý uıymy Qytaıdan taraǵan bul vırýsty "pandemııa" dep jarııalaǵan. Koronavırýs jaıly qańtardyń basynda belgili boldy. Ony alǵash juqtyrǵandar Qytaıdyń Hýbeı provınııasynyń Ýhan qalasynda tirkeldi. Vırýs tynys alý jolyn zaqymdap, pnevmonııany órshitedi. Bul derttiń kóbine egde adamdar men sozylmaly aýrýy bar adamdarǵa aýyr saldary bar.
