جۇلدىز ءابدىلدا: دەرتتىڭ تارالماۋىنا ارقايسىمىز ۇلەس قوسايىق!

1846
Adyrna.kz Telegram

قازىر اعايىن-تۋىس ارالايتىن، كورشىگە باراتىن، قىدىراتىن، قال سۇراساتىن كەز ەمەس. قارىم-قاتىناستىڭ ءبارىن ونلاينعا كوشىرۋ كەرەك. وكىنىشكە قاراي، قاۋىپتىڭ دەڭگەيىن ءالى شامالاي الماي وتىرمىز. ءجۇز مىڭداعان، ميلليونداعان اۋديتورياسى بار بلوگەرلەر، بەلگىلى ادامدار وزدەرى باستاپ ۇلگى بولىپ، جۇرتقا دا مۇنىڭ ماڭىزدى ەكەنىن جەتكىزۋى كەرەك. وسى ءبىر ايدىڭ ىشىندە اۋىزدىقتاي الماساق، مۇلدەم يە بولا المايتىنىمىزدى ءتۇسىنۋ كەرەك.
ەكونوميكاسى دامىعان، قوعامدىق ساناسى دامىعان، مەديتسيناسى دامىعان ەۋروپانىڭ ءوزى يە بولا الماي وتىر. ونىڭ جانىندا ءبىز كىمبىز؟! مەديتسينامىزدىڭ جاعدايى بەلگىلى. سوندىقتان وسى دەرتتىڭ تارالماۋىنا ارقايسىمىز ۇلەس قوسايىق!
"تاقاي بەرمەڭدەرشى، تۇك تە بولمايدى" دەپ قىدىرىستاپ جۇرگەندەرگە; كورشىلەرىمەن كۇندە جيىن، كۇندە توي جاساپ جۇرگەندەرگە; "پودرۋجكاما بارىپ كەلەيىن، دوسىما سوعىپ كەلەيىن" دەيتىندەرگە; ء"بىز كەلە جاتىرمىز، ۇيدەسىڭدەر ما؟" دەيتىندەرگە مۇنىڭ ناداندىق ەكەنىن ءتۇسىندىرىپ ايتساڭىزدار. سودان قايتىپ كورمەي كەتسە كورمەي كەتسىن، كەلەمىن دەگەندەرگە بىردەن "كەلمە، ۇيىڭدە وتىر!" دەپ ايتۋ كەرەك.

پىكىرلەر