توي جاساعان تۇركىستاندىق جازالاندى

2429
Adyrna.kz Telegram

توتەنشە جاعداي كەزىندە توي جاساعان تۇركىستاندىق جازالاندى، - دەپ حابارلايدى Tengrinews.kz تىلشىسى قالالىق پوليتسيا دەپارتامەنتىنە سىلتەمە جاساپ. 17 ناۋرىزدا الەۋمەتتىك جەلىلەر مەن مەسسەندجەرلەردە ءۇيىنىڭ اۋلاسىندا بەلگىسىز تۇلعانىڭ ادامداردىڭ باسىن قوسىپ، توي جاساپ جاتقان بەينەجازباسى تارالدى. بۇل دەرەك بويىنشا تۇركىستان قالالىق پوليتسيا باسقارماسىنىڭ قىزمەتكەرلەرى شۇعىل ىزدەستىرۋ شارالارىن قابىلدادى.  پوليتسەيلەردىڭ ايتۋىنشا، وقيعا 16 ناۋرىزدا تۇنگى ۋاقىتتا تۇركىستان قالاسىنداعى مولتەك اۋدانداردىڭ بىرىندە بولعان. "قالالىق پوليتسەيلەر توتەنشە جاعداي رەجيمىن بۇزىپ، جيىن وتكىزگەنى ءۇشىن توي يەسىنە قاتىستى قر اكىمشىلىك - قۇقىق بۇزۋشىلىق تۋرالى كودەكستىڭ 476-بابى بويىنشا اكىمشىلىك حاتتاما تولتىردى", دەلىنگەن حابارلامادا. وسىعان بايلانىستى ۆەدومستۆو وكىلدەرى زاڭعا باعىنۋ كەرەگىن ەسكەرتەدى. توتەنشە جاعداي كەزىندە جيىن، باسقوسۋلاردى ۇيىمداستىرماي، مۇمكىندىگىنشە ساقتىق شارالارىن جاساپ، دەنساۋلىققا ءمان بەرۋ قاجەت ەكەنىن ايتادى.

پىكىرلەر