گرۋزيا قورشاعان ورتانى قورعاۋ جانە اۋىل شارۋاشىلىعى ءمينيسترىنىڭ ورىنباسارى يۋري نوزادزەدەن كوروناۆيرۋس انىقتالدى، - دەپ حابارلايدى ريا نوۆوستي.
ۆەدومستۆو مالىمەتى بويىنشا، وتكەن اپتادا نوزادزە وتباسىنىڭ مۇشەسىنەن كوروناۆيرۋس تابىلعان، كەيىن مينيستر ورىنباسارى ءوز-ءوزىن وقشاۋلاعان. ەڭ ءبىرىنشى الىنعان سىنامادان كوروناۆيرۋس انىقتالماعان. ءبىر اپتادان كەيىنگى سىنامادا نوزادزەدەن كوروناۆيرۋس تابىلىپ وتىر.
قازىر گرۋزيادا 23 ادامنىڭ ۆيرۋس جۇقتىرعانى بەلگىلى. گرۋزيالىق شەنەۋنىكتەردەن ەكونوميكا جانە تۇراقتى دامۋ ءمينيسترىنىڭ ورىنباسارى گەننادي ارۆەلادزە مەن پارلامەنتتە اگرارلىق ماسەلەلەر كوميتەتىنىڭ توراعاسى وتار دانەليا ءوز-ءوزىن وقشاۋلاعان.
