باۋىرجان سەرىكباەۆ: ساياسي پروتسەستەرگە جاستاردى، جاڭا تۇلعالاردى تارتۋ كەرەك

1688

قولداۋشى ەلى بولماسا مەملەكەت تە جوق. حالىقتىڭ كوڭىلىنەن شىقپاعان رەفورمانىڭ دا ناتيجەسى وڭ بولمايدى. ادامزات تاريحىنداعى الىپ يمپەريا كەڭەس وداعىنىڭ قۇلاۋى بۇعان ناقتى دالەل. كومپارتيانىڭ 70 جىلدىق يدەولوگياسىنا قاراماي مەملەكەت اينالاسى 1-2 جىلدا جوق بولدى. سوندىقتان حالىقتىڭ سەنىمى كەز كەلگەن ساياساتكەر ءۇشىن، بيلىك پەن مەملەكەت ءۇشىن وتە ماڭىزدى.

قازىر ءبىزدىڭ قوعامعا جاس تۇلعالار، جاستاردىڭ جاڭا ساياسي تولقىنى كەرەك. حالىق تاراپىنان بۇعان سۇرانىس وتە جوعارى. ەل وزگەرىستى قالايدى. ساياسي ارەنادا قازاقتىڭ جاس تارلاندارىن كورگىسى كەلەدى. بۇل زاڭدىلىق. ەلدىڭ دامۋىنا وزىندىك ۇلەس قوسا الار جاستارعا حالقىمىز ەشقاشان كەندە بولماعان.

مەنىڭ ويىمشا ساياسي رەفورمالاردى جۇرگىزۋ جاستاردىڭ جاڭا بۋىنىنىڭ بيلىكتىڭ ءۇش تارماعىنا كەلۋىمەن قاتار ءجۇرۋى ءتيىس. ەسكى ساياساتكەرلەر مەن جاتتاندى سوزدەردى قايتالاي بەرەتىن كونە سوزدەرمەن ەلدى جاڭعىرتا المايمىز. قايناپ جاتقان قازاننىڭ قاقپاعىن توبەسىنەن باسىپ تا ۇزاق ۇستاپ تۇرا المايسىڭ.

ساياسي پروتسەستەرگە جاستاردى، جاڭا تۇلعالاردى تارتىپ، كرەاتيۆتى ويلارىمەن ەلگە قىزمەت ەتۋگە مۇمكىندىكتەرىن اشۋ كەرەك. بۇل ساياسي رەفورما، پليۋراليزم مەن جاڭا ساياسي مادەنيەتتى قالىپتاستىرۋدىڭ اجىراماس ءبىر بولىگى بولۋى ءتيىس.

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket