بۇگىن پرەزيدەنت جارلىعىمەن دارحان كالەتاەۆ قازاقستاننىڭ ۋكرايناداعى ەلشىسى بولىپ تاعايىندالدى دەپ حابارلادى اقوردا.
كالەتاەۆ بۇعان قوسا، قازاقستاننىڭ يوردانيا، يراك جانە پالەستيناداعى ەلشىسى بولىپ تاعايىندالعان.
بۇعان دەيىن قازاقستاننىڭ ۋكراينا مەن مولدوۆاداعى ەلشىسى بولعان سامات ورداباەۆ قىزمەتىنەن بوساعان.
كالەتاەۆ 2019 جىلى ناۋرىز بەن جەلتوقسان ايلارىندا پرەزيدەنت اكىمشىلىگى جەتەكشىسىنىڭ ورىنباسارى بولعان. قالەتاەۆ بۇل قىزمەتكە ناۋرىز ايىندا بۇرىنعى پرەزيدەنت نۇرسۇلتان نازارباەۆ وتستاۆكاعا كەتىپ, ورنىنا قاسىم-جومارت توقاەۆ كەلگەننەن كەيىن تاعايىندالعان ەدى. ول 2018 جىلدىڭ شىلدە ايى مەن 2019 جىلدىڭ اقپان ايى ارالىعىندا قوعامدىق دامۋ ءمينيسترى بولعان.
ەڭبەك جولىن 1995 جىلى باستاعان ول ءار جىلدارى پرەزيدەنت اكىمشىلىگىندە، «نۇر وتان» پارتياسىندا، «سامۇرىق-قازىنا» ۇلتتىق ءال-اۋقات قورىندا قىزمەت ەتكەن. 2016 جىلدىڭ قازان ايىندا پارلامەنت سەناتىنىڭ دەپۋتاتى بولعان.
"ازاتتىق" راديوسى
