Darhan Káletaev Qazaqstannyń Ýkraınadaǵy elshisi bolyp taǵaıyndaldy

2790
Adyrna.kz Telegram

Búgin prezıdent jarlyǵymen Darhan Káletaev Qazaqstannyń Ýkraınadaǵy elshisi bolyp taǵaıyndaldy dep habarlady Aqorda.

Káletaev buǵan qosa, Qazaqstannyń Iordanııa, Irak jáne Palestınadaǵy elshisi bolyp taǵaıyndalǵan.

Buǵan deıin Qazaqstannyń Ýkraına men Moldovadaǵy elshisi bolǵan Samat Ordabaev qyzmetinen bosaǵan.

Káletaev 2019 jyly naýryz ben jeltoqsan aılarynda prezıdent ákimshiligi jetekshisiniń orynbasary bolǵan. Qaletaev bul qyzmetke naýryz aıynda burynǵy prezıdent Nursultan Nazarbaev otstavkaǵa ketip, ornyna Qasym-Jomart Toqaev kelgennen keıin taǵaıyndalǵan edi. Ol 2018 jyldyń shilde aıy men 2019 jyldyń aqpan aıy aralyǵynda qoǵamdyq damý mınıstri bolǵan.

Eńbek jolyn 1995 jyly bastaǵan ol ár jyldary prezıdent ákimshiliginde, «Nur Otan» partııasynda, «Samuryq-Qazyna» ulttyq ál-aýqat qorynda qyzmet etken. 2016 jyldyń qazan aıynda parlament senatynyń depýtaty bolǵan.

"Azattyq" radıosy

Pikirler