دەنساۋلىق ساقتاۋ ءمينيسترى ەلجان ءبىرتانوۆ قازاقستانعا 6 اقپاننان باستاپ كەلگەن 488 مىڭنان استام ازاماتتىڭ تەكسەرىلگەنىن ءمالىم ەتتى، دەپ حابارلايدى قازاقپارات ءتىلشىسى.
«6 قاڭتاردان باستاپ ءتۇرلى شارالار قابىلدانىپ، 1 اقپاننان باستاپ ول شارالار كۇشەيتىلدى. بۇگىنگى كۇننەن باستاپ ارنايى باس سانيتارلىق دارىگەردىڭ شەشىمى قابىلدانىپ، قوسىمشا سانيتارلىق-ەپيدەميالىق شارالار كۇشەيتىلدى. جالپى ءبىزدىڭ ەڭ ءبىرىنشى ماقسات – قازاقستان رەسپۋبليكاسىنىڭ مەملەكەتتىك شەكاراسىنا كەلىپ جاتقان ازاماتتاردىڭ دەنساۋلىعىن تەكسەرىپ، باقىلاۋعا الۋ. 6 اقپاننان باستاپ 488 مىڭنان استام ازامات (قازاقستاندىق، ىشىندە شەتەلدىكتە دە بار) قازاقستانعا كەلدى. ولاردىڭ ءبارىن ءبىز شەكارادا جاعدايىن تەكسەرىپ، تەمپەراتۋراسىن ولشەپ قاراپ وتىرمىز. انكەتا تولتىرىلۋدا»، - دەدى دەدى ەلجان ءبىرتانوۆ ەلوردادا وتكەن ءباسپاسوز ءماسليحاتىندا. مينيستر سولاردىڭ اراسىندا 175 ناۋقاس جاتقىزىلىپ، ەمدەلىپ شىققانىن ايتىپ ءوتتى. ولاردا ءتۇرلى ينفەكتسيالىق رەسپيراتورلىق اۋرۋلار بولعانى انىقتالدى. كەيىن كوروناۆيرۋس ينفەكتسياسى بويىنشا تەكسەرىلىپ، 160-ى شىعارىلعان. «بىراق ولاردا كوروناۆيرۋس ينفەكتسياسى تابىلعان جوق. سونىمەن ازاماتتار ەلگە كەلگەننەن كەيىن ءبىزدىڭ ارنايى مەديتسينالىق قىزمەتكەرلەر ءبارىن مونيتورينگىگە الىپ وتىرادى. ال جالپى قحر-دان كەلگەن 24 مىڭ ازاماتتى مونيتورينگىلەۋگە العانبىز. قازىر 23 647 مونيتورينگىدەن شىعارىلدى. 14 كۇندىك كارانتيننەن سوڭ قالعانىن شىعارامىز»، - دەدى ول.
