Densaýlyq saqtaý mınıstri Eljan Birtanov Qazaqstanǵa 6 aqpannan bastap kelgen 488 myńnan astam azamattyń tekserilgenin málim etti, dep habarlaıdy QazAqparat tilshisi.
«6 qańtardan bastap túrli sharalar qabyldanyp, 1 aqpannan bastap ol sharalar kúsheıtildi. Búgingi kúnnen bastap arnaıy bas sanıtarlyq dárigerdiń sheshimi qabyldanyp, qosymsha sanıtarlyq-epıdemııalyq sharalar kúsheıtildi. Jalpy bizdiń eń birinshi maqsat – Qazaqstan Respýblıkasynyń memlekettik shekarasyna kelip jatqan azamattardyń densaýlyǵyn tekserip, baqylaýǵa alý. 6 aqpannan bastap 488 myńnan astam azamat (qazaqstandyq, ishinde sheteldikte de bar) Qazaqstanǵa keldi. Olardyń bárin biz shekarada jaǵdaıyn tekserip, temperatýrasyn ólshep qarap otyrmyz. Anketa toltyrylýda», - dedi dedi Eljan Birtanov elordada ótken baspasóz máslıhatynda. Mınıstr solardyń arasynda 175 naýqas jatqyzylyp, emdelip shyqqanyn aıtyp ótti. Olarda túrli ınfekııalyq respıratorlyq aýrýlar bolǵany anyqtaldy. Keıin koronavırýs ınfekııasy boıynsha tekserilip, 160-y shyǵarylǵan. «Biraq olarda koronavırýs ınfekııasy tabylǵan joq. Sonymen azamattar elge kelgennen keıin bizdiń arnaıy medıınalyq qyzmetkerler bárin monıtorıngige alyp otyrady. Al jalpy QHR-dan kelgen 24 myń azamatty monıtorıngileýge alǵanbyz. Qazir 23 647 monıtorıngiden shyǵaryldy. 14 kúndik karantınnen soń qalǵanyn shyǵaramyz», - dedi ol.
