"قايراتقا"  "مانچەستەر يۋنايتەدتىڭ" بۇرىنعى ويىنشىسى اۋىستى

2377
Adyrna.kz Telegram

"پارتيزاننىڭ" 32 جاستاعى جارتىلاي قورعاۋشىسى زوران توشيچ كارەراسىن الماتىلىق "قايراتتا" جالعاستىرادى، - دەپ حابارلايدى سەربيالىق Telegraf.rs پورتالىنا سىلتەمە جاساعان Tengrinews. 

باق-تىڭ مالىمەتىنشە، فۋتبولشى بەلگرادتىق كوماندا ساپىندا ءۇش ماتچ وتكىزەدى، سول ۋاقىتقا دەيىن قازاقستاندا بارلىق اكىمشىلىك ماسەلە شەشىلەدى. كەلىسىمشارت ەكى جىلعا جاسالادى.

توشيچ "قايراتپەن" كەلىسسوز جۇرگىزۋ ءۇشىن الماتىعا كەلىپ كەتكەن، كەيىن الماتىلىق كلۋبتىڭ وكىلدەرى سەربياعا بارعان. فۋتبولشى "قايراتتىڭ" قارجىلىق شارتتارى ۇناعان سوڭ ۇسىنىستى قابىلداعان.

ايتا كەتەيىك، توشيچ 2008/2009 جىلعى ماۋسىمدا "مانچەستەر يۋنايتەد" ساپىندا انگليا چەمپيونى بولعان. سونداي-اق ماسكەۋلىك تسسكا قۇرامىندا رپل-ءدىڭ ءۇش دۇركىن چەمپيونى اتانعان، چەمپيوناتتى ءۇش رەت كۇمىس، ءبىر رەت قولا مەدالمەن اياقتاعان. سونىمەن قاتار، ول رەسەي كۋبوگى مەن سۋپەركۋبوگىن ەكى رەت يەلەنگەن. "پارتيزانمەن" بىرگە سەربيا چەمپيوناتىندا توپ جارعان.

پىكىرلەر