"پاۆلودار وبلىسىنىڭ بۇرىنعى اكىمى بولات باقاۋوۆتىڭ دەنساۋلىعى ناشارلادى، سوندىقتان الدىن-الۋ شارالارىن جۇمسارتۋ تۋرالى شەشىم قابىلداندى" دەدى "ادىرنا" پورتالىنا وبلىستىق سوتتىڭ ءباسپاسوز قىزمەتى.
«قر قىجك-ءنىڭ 153-بابىنىڭ تالابىنا سايكەس، بۇلتارتپاۋ شاراسى جاعدايدىڭ وزگەرۋىنە بايلانىستى ءۇي قاماۋىنا اۋىستىرىلدى، دالىرەك ايتساق، ونىڭ دەنساۋلىعى ناشارلادى » دەلىنگەن وبلىستىق سوتتىڭ اقپاراتىندا.
سوتباقاۋوۆقا سوتقا دەيىنگى تەرگەۋ اياسىندا شاقىرۋ جاعدايلارىن قوسپاعاندا، ۇيىنەن شىعۋعا، تەلەفون ارقىلى سويلەسۋگە، حات الماسۋعا جانە بايلانىس قۇرالدارىن پايدالانۋعا تىيىم سالدى.
سونداي-اق وعان ۇيدە قاماۋدا وتىرعاندا جاقىن تۋىستارى مەن كۇدىكتىنىڭ قورعاۋشىلارىن قوسپاعاندا، دوستارىمەن سويلەسۋگە، قوناقتاردى قابىلداۋعا تىيىم سالىنادى.
"ادىرنا" ۇلتتىق پورتالى
