ۇلتتىق گۆارديانىڭ اسكەري قىزمەتشىلەرى بەس تۇرعىندى وتقا ورانعان ۇيدەن شىعاردى، ونىڭ ۇشەۋى بالا. ءورتتىڭ سەبەپتەرى انىقتالىپ جاتىر
اسكەري قىزمەتشىلەر قورداي اۋدانىنىڭ سورتوبە اۋىلىندا ورتەنىپ جاتقان ۇيدەن بەس ادامدى قۇتقارىپ قالدى.
كاپيتان ەرجان ارىستانبەكوۆ پەن پاترۋلدە جۇرگەن قاتارداعى اسكەريلەر ەرقانات بازارباي مەن نۇربەك دۇيسەنبين سەنبى ساعات 7.30 كەزىندە ۇيلەردىڭ ءبىرىنىڭ شاتىرى جانىپ جاتقانىن كورىپ قالادى.
"اسكەريلەر ورتەنىپ جاتقان ۇيدەن بەس تۇرعىندى شىعارىپ الدى، ونىڭ ۇشەۋى بالا. جەدەل شتاب وقيعا ورنىنا ەكى كولىك جىبەردى، ولار ءۇش مينۋتتا جەتتى", - دەدى حابارلادى ۇلتتىق گۆارديانىڭ ءباسپاسوز قىزمەتى.
ءورت شىققان اۋدان قورشاۋعا الىندى. ءورت ءسوندىرۋ كولىكتەرى اپاتتىق-قۇتقارۋ جۇمىستارىن جۇرگىزدى.
وقيعانىڭ ءمان-جايى انىقتالىپ جاتىر، زارداپ شەككەندەر جوق.
ۇلتتىق گۆارديانىڭ اسكەري قىزمەتشىلەرى 7 اقپاندا تارتىپسىزدىكتەر بولعان قورداي اۋدانىندا قوعامدىق ءتارتىپ پەن قاۋىپسىزدىكتى قامتاماسىز ەتۋدە.
ايتا كەتسەك، قاقتىعىس سالدارىنان 10 ادام قازا بولدى، 185 ادام زارداپ شەكتى. ونىڭ 34-ءى اۋرۋحاناعا جاتقىزىلعان. 39 ءۇي، 20 كوممەرتسيالىق نىسان جانە 47 كولىك ورتەنىپ كەتتى.
Sputnik.