ەۋروپانى تىتىرەتكەن ۇلى دالانىڭ ۇلى، عۇنداردىڭ باسشىسى اتيللانىڭ (ەدىل پاتشا) قابىرى ۆەنرگيادان تابىلدى. ۇلى قولباسى بايىرعى تۇركى عۇرىپتارىنا ساي جەرلەنگەن. worldnewsdailyreport .com سايتىنىڭ مالىمەتىنشە، بۇل ايگىلى اتيللانىڭ ءداپ ءوزى.
ەدىل پاتشانىڭ ەۋروپا ەلدەرىنىڭ بىرىندە جەرلەنگەنى تۋرالى اڭىزدار كوپ، ونىڭ تاريحي دالەلدەرى دە بار. ال ونىڭ تىعىلعان قازىناسى تۋرالى اڭىزدار تالايدى جولعا شىعاردى. قازىنا ىزدەۋشىلەر عۇنداردىڭ داڭقتى قاعانىنىڭ ىزىمەن ساياحات جاساپ، ءومىرىن دە زەرتتەپ كوردى. الايدا ەشتەڭە تابىلمادى. بىراق ارحەولوگتار وسى باعىتتاعى جۇمىستارىن توقتاتقان ەمەس.
تاياۋدا ۆەنگريالىق كاپيتوليدا دۋناي وزەنىنە كوپىر سالىپ جاتقاندا قۇرىلىسشىلار VI عاسىرعا ءتان قابىر تاۋىپ الادى. بۇل عۇنداردىڭ پاتشاسى اتيللا بولۋى ابدەن مۇمكىن. «بۇل تاڭعاجايىپ ورىن»، — دەيدى بۋداپەشتتەگى Lorand Eötvös ۋنيۆەرسيتەتىنىڭ تاريحشىسى البرەحت ريۋمشتاين: «ءبىز بىرنەشە جىلقىنىڭ قاڭقاسىن، قارۋ-جاراقتار مەن باسقا دا ارتەفاكتتەردى قازىپ الدىق. ولاردىڭ بارلىعى عۇن داستۇرىنە ءتان ەكەنى كورىنىپ-اق تۇر. مىسالى، مەتەوريتتىك تەمىردەن جاسالعان ۇلكەن قىلىش بار. ول اتيللانىڭ اتى اڭىزعا اينالعان «سكيفتەر قىلىشى» بولۋى مۇمكىن. ءبىز قازىر ساراپتاما ناتيجەسىن كۇتۋدەمىز، مەنىڭشە، بۇل قۇدىرەتتى اتيللانىڭ دەمالىس تۇراعى بولعان سياقتى»، — دەدى.
ريم تاريحشىلارى «قۇدايدىڭ قۇلى» دەپ اتاعان اتيللا عۇنداردىڭ قاعانى بولعان. ورتا ازيادان شىعىپ، ەۋروپانى جاۋلاعان. ول ءبىزدىڭ داۋىرگە دەيىنگى 434 جىلدان ءومىرىنىڭ سوڭىنا دەيىن 453 جىلعا دەيىن باسقارعان. ونىڭ ەۋروپانى جاۋلاۋى ۆارۆارلىق باسىپ كىرۋ نەمەسە ۇلكەن ميگراتسيا دەپ اتالدى. جالپى، ەۋروپا تاريحىن تۇەبەگەيلى وزگەرتكەن تۇلعا. ويتكەنى گەرمان حالقىن ىعىستىرىپ، ريم يمپەرياسىنىڭ ءبىرجولا قۇلاۋىنا ىقپال ەتتى، ەۋروپاداعى ورتاعاسىرلىق گۇلدەنۋدى تەزدەتتى. ول ورىسشا ۆەنگريا، ال الەمگە Hungary (حۋنگاري) اتىمەن تانىمال ەلدىڭ نەگىزىن قالاۋشى. ونىڭ اسكەرى سول كەزدە ريم يمپەرياسىن باسىپ الماسا دا، ۇرپاقتارى ەۋروپانىڭ قاق ورتاسىنان ويىپ تۇرىپ ورىن الدى.
