| لاتۆيا پرەزيدەنتى ەگيل لەۆيتس پارلامەنتتىڭ ادام قۇقىعى جانە قوعامدىق ىستەر جونىندەگى كوميسسياسىنا قايرىلىپ، ەلەكتروندى باق تۋرالى زاڭدى قايتا قاراۋدى ۇسىندى. |
مەملەكەت باسشىسى ەۋرووداقتىڭ رەسمي تىلدەرىندە حابار تاراتۋ كولەمىن ارتتىرۋدى سۇرادى. ەگەر بۇل ۇسىنىس قابىلدانسا، ورىس تىلىندە حابار تاراتۋ 20 پايىزعا ازايادى. ەۋروپا وداعىنىڭ 24 رەسمي ءتىلى بار. ولاردىڭ اراسىندا اعىلشىن، نەمىس، يسپان، لاتىش تىلدەرى بار.
بۇل تۋرالى Caravan.kz مەديا-پورتالى ازاتتىق راديوسىنا سىلتەمە جاساپ حابارلادى.
پرەزيدەنتتىڭ پىكىرىنشە، بۇل تالاپتار باعدارلامالاردى رەترانسلياتسيا جاسايتىن كابەلدىك تەلەارنا، ەلەكتروندى باق-قا دا قاتىستى.
"اقپارات كەڭىستىگى - لاتۆيا دەموكراتياسى مەن قاۋىپسىزدىگىنە قاتىستى ماڭىزدى ماسەلە. ەۋروپانىڭ مادەني كەڭىستىگىنە ءسىڭىپ، ەۋروپانىڭ اقپاراتتىق ورتاسىنا ەنۋى ءۇشىن لاتۆيا تۇرعىندارى ساپالى جانە پليۋراليستىك باعدارلامالار كورە الۋى ءتيىس، وسىنىڭ زاڭنامالىق تۇرعىدا تەتىكتەرى بولۋى ءتيىس",- دەدى لەۆيتس.
ونىڭ سوزىنە قاراعاندا زاڭداعى وزگەرىستەر بۇعان دەيىن ءتيىمدى شەشىمى تابىلماعان قوردالانعان ماسەلەلەردى شەشۋگە كومەكتەسەدى.
2019 جىلى لاتۆيانىڭ ەلەكتروندى باق جونىندەگى ۇلتتىق كەڭەسى "ۋكراينالىقتارعا جەككورۋ سەزىمىن تۋدىرعانى ءۇشىن" رەسەيلىك رتر-روسسيا ارناسىن رەترانسلياتسيا جاساۋعا تىيىم سالعان.
